2007年4月17日 星期二

公務員內部轉職常見問題

現職公務員不乏想搵工跳槽之人,所以以下答問特別為他們解決疑難:
1. 本人還在試用期,能否申請內部招聘?
  可以。
2. 本人已過了試用期,但還未過合約期(3+3中的第二個3),又能否申請內部招聘?
  可以。
3. 內部轉職後的薪金如何計算?

  參考CSR 130及133,計算方法請看這裡。簡單而言,若新職位的入職薪金已比起你現時的薪金高,你當然會在新職位領取入職薪金;但假若你現時的薪金比新職位的入職薪金高,那便要按CSR 130的方法計算。至於增薪日期,則會依照加入新職位的日子計算。

4. 內部轉職後,原本剩餘的假期能否帶到新部門?
  可以。但要注意假若你轉職時須減薪,便要注意有否影響假期數目。因為現時的政策是以總薪表的第十四點作為分水嶺。舉例說,2000年6月後入職的公務員,薪金在總薪表的第十四點或以上的人可擁有每年18日大假,最多可儲36日;但薪金在總薪表的第十三點或以下的人則只可擁有每年14日大假,最多可儲28日。如果轉職前是Pt. 14以上、新職位是在Pt. 13或以下,而本身剩餘的假期多於28日,你便要在轉職前放假,避免蝕本了。

5. 內部轉職後,年資如何計算?
  如果你無間斷在政府服務,會由你最初加入公務員職系的日子開始計算。

6. 我還在試用期/合約期,若果內部轉職成功,我在新職位的試用期又要多長?
  若果是在試用期/合約期(3+3的第二個3),如轉職到紀律部隊職系是再需要三年時間的試用期;而轉到文職職系亦要從頭計算3+3,除非本身具備相關經驗,可以最多扣減試用期的一半(1.5年),但決定權在於新職位的部門。

7. 我已過了試用期和合約期,成為新長期聘用條款公務員,若果內部轉職成功,我在新職位的試任期又要多長?

  一般而言,已經轉為長期聘用的公務員在轉職後會有一段「試任期 (on trial)」,若轉職至紀律部隊職位,試任期是三年;但若轉職至文職職位,除非個別職位另有規定,否則試任期一般是一年。在試任期內,若果自己不喜歡新職位或者新職位部門認為你表現差勁,你可以自行申請/被調回原本部門。

8.  我在2000年6月後加入政府,內部轉職後我的強積金/公積金供款比例將會如何?
  
  分開幾個情況:
  未過試用期/合約期轉職:轉職後政府照樣供5%,直至在新職位服務滿三年(紀律部隊)/3+3年(文職人員)轉為新長期聘用條款,才會轉為公積金,加入政府自願供款。如果由文職轉往紀律部隊,在紀律部隊confirm後會再有一筆過相等於三年收入的2.5%的紀律部隊特別供款。但如果由一個紀律部隊職系轉往另一個紀律部隊職系,在新的紀律部隊職系confirm後就只會有一筆過相等於在新職系三年收入的2.5%的紀律部隊特別供款,之前服務的舊紀律部隊職系時間不會計算。

  已轉為新長期聘用條款(confirm)後才轉職:供款比例不變。

  已轉為新長期聘用條款後,由紀律部隊轉為文職:在新職位的試任期完結後,會在你的公積金戶口扣除先前政府已給的所有紀律部隊特別供款,因為你已經不符合領取此供款的資格。

  已轉為新長期聘用條款後,由文職轉為紀律部隊:在三年試任期完結後,有一筆過相等於三年收入的2.5%的紀律部隊特別供款,之後每月亦有2.5%紀律部隊特別供款。

48 則留言:

  1. 想問一下現職公務員如果試用期內轉職 (文職轉文職)
    咁係咪要重頭計過3年probation?
    咁可唔可以帶point過?

    回覆刪除
    回覆
    1. 如果未confirm, 多數要由頭計過, 除非兩份工種有關(如CA轉ACO)

      人工唔係帶pt, 要按CSR130計算, 詳情:
      http://control228.blogspot.hk/2010/06/blog-post.html

      刪除
    2. IC 其實係打算轉去第二個部門嘅同一個職位
      師兄有無見過呢種情況?
      如果咁樣其實縮PROBATION嘅可能性大唔大?

      刪除
    3. 曾經見網友講過, 例如技術主任之類, 都可以減到試用期(CSR規定最多為一半)
      可以向新部門提出, 雖然決定權都係新部門

      刪除
  2. ic
    咁point就照跟csr130計?

    回覆刪除
    回覆
    1. 無錯, 通常轉去一份starting不比現職starting低的工作, 就會出差不多/一樣人工

      刪除
  3. 你好! 本人有意投考公務員,而剛剛閱讀過您的blog。 本人是三大u grad, 長遠目標是投考officer grade position (EG: ALO, EO等) , 但這些職位通常競爭很大,所以我打算未考到之前亦會apply其他post, 可能是technical officer (cartographic) , 但不會apply 基層職位。 想問如果我成功考到technical officer, 到時考ALO, EO等會好困難嗎? 公務員(非基層) 考更高級公務員會唔會難D? 因為聽講政府偏向請non-civil servant.

    回覆刪除
    回覆
    1. 你做乜工同考EO之類工作無乜關係, 唔會有著數, 亦唔會有負面影響 (當然, 如果現職公務員衰大鑊野, 入左p file, 就會影響考第二份工)

      考得TO, 係相關學科畢業吧? 其實如果向呢方面的officer post入手, 或者比EO之類容易, 雖然聘請職位少, 但競爭者亦少D

      刪除
  4. 假如A職位已過 3年 Probation (confirmed),及後轉職往 B職位,並已過 1年 Trial (confirmed)。現在轉職往 C職位,但其後申請 Revert,會被調回 B職位或 A職位呢?

    回覆刪除
    回覆
    1. 當然是B位, 你與A位已經無關係

      刪除
  5. 小弟為現職警員,已滿三年,請問如有幸成功入職二級土地註冊主任,請問新人工係咪:20305(總薪級表10)x 25680(現時人工)/19605(入職)=26597

    最接近point: 25505 總薪級表14????

    希望能解答thx

    回覆刪除
  6. 228師兄你好,小弟現職EOII(未過試用期),剛收到ATOII offer,請問程序上屬於政府內部轉職抑或必須先向GGO辭職然後再加入TO grade?謝謝。

    回覆刪除
    回覆
    1. 不用辭職, 只須同招聘部門講你係現職公務員, 自然佢地會搵人事部商討交接

      (你一定無做過人事部了^_^)

      刪除
    2. 非常感謝師兄快而準的答覆。師兄果然料事如神,小弟現職的崗位和一般EO非常不同(其實是個好位)。轉職決定純粹是覺得TO grade的晉升機會較佳和工作範疇較適合自己發揮所長,即使面對減薪和離開現時的一班好同事好上司也是無可奈何。

      刪除
    3. TO前途好, 工作亦相對無咁刻板, 祝你前程似錦

      刪除
    4. TO前途比EO好,請問可多講解嗎?

      現正招聘的四個學位職糸(EO, ATO, TO, MSO)前途, 可否分享你的看法?

      謝謝.

      刪除
    5. 按一般升職所需時間看, TO升職時間較EO短

      Transport Officer其實計升職亦不錯, 但工作量大

      MSO職系太細, 個人認識唔多

      刪除
    6. 謝謝你的回答.

      刪除
  7. 謝謝228師兄, 師兄可知貿易主任的編制數目可從何得知?

    回覆刪除
  8. 假如A職位已過 3年 Probation (confirmed),及後轉職往 B職位,但未過 1年 Trial (not confirmed)。現在轉職往 C職位,但其後申請 Revert,會被調回 B職位或 A職位呢?

    回覆刪除
  9. Control 兄,請問公務員內部調職,係咪都係循公開招聘方法報名,定係有另一種報名方法?

    回覆刪除
    回覆
    1. 講清楚, 不是「調職」,其實是考過份工, 只係有內部招聘只限公務員申請, 上內聯網會有, 不過近年已經好少內部招聘, 有都多數係二級工人之類

      刪除
  10. 請問我收左份文職,做做下轉做紀律部隊洗唔洗賠錢,聽講政府工轉政府唔洗賠錢

    回覆刪除
    回覆
    1. 係咪即係紀律個邊自動check我紀錄個時知我返緊另一份就會自己同個邊傾,你知啦,有d紀律部隊會無啦啦問你一星期內可唔可以入班,謝議

      刪除
    2. 會,新舊部門自己交涉,通常紀律部隊有特定日期入班,都唔會阻你

      刪除
  11. 228師兄你好,若果由警員(已過試用期)轉去其他紀律部隊員佐級,係新部門排紀律部隊宿舍,係咪要重新由新部門入職年資計算排隊,還是用公務員年資計算呢?

    回覆刪除
    回覆
    1. 有過往同事類似, 你會計埋PC時的紀律部隊年資入去排宿舍

      刪除
  12. 請問由A dept 轉至 B dept, A dept 可否以seasonal rush 為由唔肯放人 / hold 人呢?如hold 人最長可hold 幾耐?

    回覆刪除
    回覆
    1. Confirmed公務員最多三個月 , 未confirm最多一個月

      刪除
    2. 請問是根據CSR哪一條/哪裡有reference 指明confirmed 公務員最長可被hold 3個月呢?正正有朋友經歷這個處境,宜家考慮緊辭職定等3個月。
      謝謝~

      刪除
    3. CSR109: 獲選轉任的人員,原屬部門應按新、舊職系雙方同意的日期讓他離任。即使暫時把他留任,暫留期限亦不應超過辭職或終止聘用時通常所需的通知期。

      (confirmed辭職:三個月通知期; 未confirm:一個月/七日/一日)

      刪除
  13. 現職cs 考其他dept,是否文件整全才會call report?

    以aco 為例,如需向其上司call report, 應該會知會 CO / SCO 抑或 EO (Section head) ?

    回覆刪除
    回覆
    1. 未必一定係搵直屬上司, 要視乎個別部門call到幾深入

      刪除
  14. 由A department內部轉職到B department未夠一年, 響A department個位係咪空缺?定仲當有個人響到?

    回覆刪除
    回覆
    1. 不算空缺, 要待在B dept confirmed先可以請人

      刪除
  15. 師兄,我係現職警察,今年1月入警察學院,現已出班。如果我下年成功轉職消防,薪金是否如下:
    (消防員起薪$19780)×(現時警員薪金$24535)/(警員起薪$22410)=
    $21665.613
    最接近薪酬Point 7($21875)??是否如此
    希望師兄賜教

    回覆刪除
  16. 原來未confirm都適用CSR130?

    回覆刪除
    回覆
    1. 與confirm無關, 只不過, 如果你連三年年資都無, 俾你計都到盡都係加1-2個pt

      刪除
  17. 請問我在A部門已confirm,之後轉左去B部門,但就未過一年試任期前舉手返去A部門,回到A部門時,年資是否當我未轉部門一樣?即我係B部門的試任期時間年資係會唔會計番落回舊A部門內?

    回覆刪除
    回覆
    1. 謝謝回覆,另我想問,我在A部門的升級排名係唔係都當無走過一樣?

      刪除
    2. 對, 當你無走過, 當然事實上你有走過, 遴選時相信會考慮呢點

      刪除
  18. 你好
    我係紀律部隊操班時 有一科唔及格 記錄落左P file
    最後補考成功出班 請問對我考紀律部隊officer or其他政府部門有無大影響???

    回覆刪除

注意:只有此網誌的成員可以留言。