2014年5月1日 星期四

對申請新居屋的小意見

據早前傳媒報導,新建居屋最快將於本年底可供市民申請,故此在2013/14的公務員公共房屋配額中,已有提到如果在2014年12月31日前房委會公佈新居屋計劃,成功在本期申請綠表的同事便可申請新居屋,並會提供相關申請表。

隨著新居屋相繼落成,日後的申請方法亦會差不多,基本上與十多年前一樣,先申請配額的綠表,成功後便可以申請該年的某一期居屋。

但要留意的是,今次的memo(不論是「一般配額」還是「特別配額」)中也寫到:「居屋計劃申請獲批的人員,選樓次序會以抽籤決定,與一般公眾申請人無異,而公務員公共房屋配額申請人不會較其他綠表申請人享有優先。」這與九十年代時的公務員配額有所分別。據當年的申請者所述,從前透過公務員配額獲得綠表的人士,是會有優先的,所以不但中籤率高,而且排得很前,可以選擇較佳單位。翻查內聯網內最舊的1999年度「公務員公共房屋」memo,的確沒有上述的條文。可能由於市民對新居屋趨之若鶩,若公務員有優先或會引來不滿,故此已一視同仁。

這樣一來,有意購買新居屋的公務員同事可能要考慮是否透過配額申請。要知道透過配額申請,首先要鬥年資,縱使去年申請配額綠表的最低年資只有三年多,但不知道今年和之後會否引來「老鬼」們因購買新居屋而推高年資門檻。即使年資鬥贏了,還要跟一般持綠表資格的市民去「鬥運」看攪珠結果。

所以,筆者覺得,日後當房委會正式公佈新居屋計劃詳情時,2000年6月後入職的新制同事不妨比較一下。如果自身/家庭入息符合一般市民的申請資格,而白表比例又如最近的剩餘居屋計劃規定,循一般市民途徑申請可能更值得考慮。根據早前俗稱「白居二」的五千個購買二手居屋的白表資格入息上限,「個人」和「二人或以上家庭」入息上限分別為二萬和四萬。如果入息沒超過此上限,而白表比例又維持最近的剩餘居屋計劃所訂的40%,不妨以一般市民身分申請,以保留日後申請「非實報實銷現金津貼」資格。當然,如果本身人工已超過一般市民規定,又或者「志在必得」,綠表的中籤機會率畢竟會較白表高,因為除了綠表佔了60%比例外,持綠表資格人士應遠較「人人有份」的白表申請者少。所以,在中籤機會較高與「非實報實銷現金津貼」資格如何決定,還看自己如何取捨。

28 則留言:

  1. 唔好意思,或者喺唔太適當的位置向你提問,我想請教下,如果做政府工時投考其他政府工既情序係點?如果已完成final interview之後既過程或情序係點呢?

    如果pass左final in,係會經電話通知考生?郵寄通知?還是經現職之政府部門通知呢?

    另外,在原本政府部間就職時之病假會影響vetting或有其他影響而影響轉職呢?

    而vetting是否只睇有無違反紀律或者香港任何之法例呢?
    謝謝你control兄。

    回覆刪除
  2. http://control228.blogspot.hk/2007/09/final-interview.html
    http://control228.blogspot.hk/2007/09/final-interviewwaiting-list.html

    可以睇睇呢兩篇文章先

    如果係現職, 通常會由部門admin經memo俾你, 順便問埋部門的轉職日期

    病假通常都係好離譜先有影響, 因為係出offer先check

    回覆刪除
  3. 已仔細閱讀師兄所指出的兩編文章,但仍有少許問題想提問。

    請問好離譜之定義為怎樣呢?

    政府部門好多時會視病假為假病,但奈何真的患了傳染病,醫生給予十日病假,之後上司話三個月多於五曰病假,但需所謂之, 請問如此之file look影響大嗎?不過上司完全明白本人是真的患上傳染病而非假病的。

    回覆刪除
    回覆
    1. 如果係呢類病假問題不大,因為大家都知醫生好少俾咁長病假,特別係政府醫生,俾兩日都好少見。如果你十日分開十次私家醫生俾反而令人有懷疑

      刪除
  4. 謝謝Control兄你的回答。

    Anyway,啲人整到,以輕便工作代替取病假,會否也有影響呢?

    P.S. 人倒霉起上黎,真係可以差到無人信。

    回覆刪除
  5. 希望Control師兄唔好介意我問甘多問題,而又喺不太適當的位置來向你提問,但主因卻因為我真的非常擔心。

    回覆刪除
    回覆
    1. 留言位置無所謂啦。Light duty之後係咪完全康復, body check自有定案, 唔得都過唔到bc

      刪除
    2. 我最怕係因為整親,無報IOD而light duty一段短日子而俾佢寫花左而影響到我

      刪除
  6. 感謝control兄無私的回覆,祝你早日升上ADO

    回覆刪除
    回覆
    1. 本人無做紀律部隊好耐啦, 多謝你, 祝你好運呀!

      刪除
  7. BLOG主你好,唔好意思係呢到問D唔相關既問題,但在GOOGLE發現你呢個BLOG,真希望我早點搵到呢到。。。

    我係一個今年GRAD的文科碩士生,文科係香港前景不太樂觀,所以我一心只想加入政府,
    剛得知EO/AO面試都衰左,前路茫茫不知何去何從
    目前有報其他公務員,有海關督察(就黎GROUP IN)、IO、律政書記、助理館長、2份N仔行政助理
    唔知有咩建議可以比到小弟?最想考到當然係海關督察,可能衰過EO/AO,而家好怕FINAL IN,唔知紀律部隊OFFICER既FINAL IN有無D咩特別心得?

    如果黎緊開ACO,我報唔報好?事關我真係無心係私人市場做,下年都會再報EO/AO,但衰過一次,好怕會再衰。會否做左ACO先唔得都始終有得跳PT嘛,加上今年加完人工ACO STARTING已經12500,對文科仔黎講已經好吸引...

    回覆刪除
    回覆
    1. Terry 你好。你有入到EO/AO面試, 但衰左? 如果係, 我諗你唔需要咁灰, 因為你的寫作語文能力應該有一定水平, 一次成敗不足以論英雄。

      紀律部隊主任要的人, 要夠firm, 因為要帶隊作即場決定, 好多時interview時, 識就識, 唔識就話唔識, 問你處境題就用自己的想法去答, 唔好諗人地想要乜野而將就, 因為好多時都係open-ended, 無一定答案, 佢想睇你點解釋而已

      ACO呢類基層職位, 你會滿意做一世嗎? 我推介你爬爬文, 看看「跳板論」, 「ACO招聘」、「紀律部隊真的是理想職業」等等。先認清自己去向

      我都係讀文科, 我畢業時經濟比現時差、政府請人比現在少得多, 我完全明白你的擔心。讀文科, 唔係專業, 想做政府可以理解, 我都係一樣, 但記緊並非唯一出路。年輕乜都可以試, 但要從中搵出一條適合自己的路

      刪除
    2. CONTROL兄你好,
      係呀過了JRE面試衰左, 下年都會再考, 今年我有寄信查閱報告睇下衰咩, 如果下年有幸再過JRE希望得啦....

      明白. 所以考紀律部隊有信心係好緊要? 我就黎考海關的小組討論, 唔知佢係想要D咩人呢....

      ACO我估我比個限期自己都係考唔到主任級就報吧...
      文科係香港真的不吃香, 我自己支筆都算好唔錯, 但我知道文字行業連ACO的人工都比唔上...所以而家真係好灰

      刪除
    3. 我都經歷過你的想法, 我的忠告是: 唔好急。先不談是否一定要考公務員, 即使決意要考公務員, 有上佳的語文水平已是非常好的優勢, 你只係剛畢業, 唔洗咁心急, 多d留意時事, 再接再厲。

      紀律部隊, 要有信心, 因為要係短時間內帶領做行動, 識就識, 唔識就sorry sir唔識, 唔好吹水

      刪除
  8. Control 兄,

    想請教一個問題,當分配到翻新公屋時,可否直接改要二手居屋呢?

    thank you very much

    回覆刪除
    回覆
    1. 應該不可以連屋都未拎就轉, 但可以住左之後當一般市民咁申請綠表

      刪除
  9. Control228師兄,可能係我一知半解,想問下如果公務員以一般市民資格的白表申請到居屋,其實唔係就會失去左非實報實銷的資格?我以為咁樣係DOUBLE BENEFIT? 謝謝~

    回覆刪除
  10. 不會, 因為白表係市民身份, 非實報實銷現金津貼規定寫明, 只要唔係用公務員身份取得公屋/居屋, 係可以申請的

    回覆刪除
  11. 請問如果今年獲發綠綠表,但未能找到合適單位,又抽唔中貨尾單位,會否停一年才可再申請綠表或者攞公屋呢?會被black list 嗎?

    回覆刪除
    回覆
    1. 對: 「在二零一二/二零一三年度公務員公共房屋配額計劃下的第二輪編配及在二零一三/二零一四年度的公務員公共房屋配額計劃的第一輪編配中申請居屋計劃/居屋第二市場計劃獲批的人員,如沒有遞交居屋第二市場計劃綠表資格證明書以申請“購買資格證明書”購買單位,以及沒有行使居屋計劃綠表資格證明書購買居屋單位(不論在居屋計劃綠表資格證明書有效期內有否居屋單位推出發售),在當局下一次發出公務員公共房屋配額通函時,他們不得重新提出申請。獲批的人員如遞交了居屋第二市場計劃綠表資格證明書以申請“購買資格證明書”購買單位,以及/或行使居屋計劃綠表資格證明書購買居屋單位,但因種種原因沒有在居屋計劃或居屋第二市場計劃下購得單位,在下一次發出公務員公共房屋配額通函時,不得重新提出申請,以及只可在“購買資格證明書”和居屋計劃/居屋第二市場計劃綠表資格證明書全部屆滿後,根據其後發出的公務員公共房屋配額通函提交申請。若一對公務員夫婦二人皆符合資格申請公務員公共房屋配額,則此禁止規則亦適用於有關申請人的配偶。」

      刪除
  12. Control228師兄,想請問你知唔知道海關助理貿易主任工作量及前景如何?因網上找的資料很少。。。謝謝。。

    回覆刪除
    回覆
    1. 我都係一知半解。依家有新的「商品說明條例」, 工作量會大左。前途方面, 只能講比一般員佐級為佳, 但不及督察

      刪除
  13. control師兄,請問一般如果其他政府部門向現職部門call file,會通知相關同事嗎?

    另外,call file係經環頭還是總部呢?

    回覆刪除
    回覆
    1. 理論上不會通知, 只能靠「八」返來。一般會經左總部先, 但如果你個p file係自己環頭, 就點都會call到落黎

      刪除
  14. 請問我系現職紀律部隊 年資兩年幾 …如果我用白表申請抽新居屋…我系咪未來重可享有公務員房屋福利…例如宿舍?

    回覆刪除
    回覆
    1. 宿舍唔可以, 因為double benefit; 但可以日後申請非實報實銷現金津貼

      刪除
  15. CONTROL 兄~ 想問我係ACO, 啱啱做夠3年, 想2015開始試抽政府既綠表, 我想問下政府既綠表, 抽中左係會安排埋上樓丫, 定係得綠表資格,俾我地自己出去免補地價買居屋/公屋?因為我見到有D人留言, 話抽中左綠表資格, 但係最終又冇上樓...(可能揾唔到樓買之類等等~~) 唔該晒你先

    回覆刪除
    回覆
    1. 對, 只會有資格, 要自己出去睇二手居屋, 或者去同一般市民抽新居屋, 不會有優先, 亦會跟市民一樣, 家庭排先, 單人排最後

      刪除

注意:只有此網誌的成員可以留言。