2016年1月19日 星期二

公務員品格審查與入職身體檢查

(由於留言系統一超過200,留言便會不見了,所以此文關閉留言功能,有查詢請電郵至 228control@gmail.com

如果以下文章已提及的請不要再問了,謝謝大家合作,例如:

1. 我不能確實回答因為某事件或病歷而一定能「通過」或是「不通過」審查或體檢,請不要再問「我欠xx錢,pass到嗎?」這類問題;

2. 太深入/個別部門要求的問題,我根本不會知道,例如什麼要報、什麼不用報、交哪些文件等。為什麼不去問負責審查的人員,而來問我?


曾經跟大家略為談過在應徵公務員職位後的審查和體檢,由於最近有很多網友查詢關於審查的事宜,今次再談多一點。

品格審查是入職前必須的。當知道部門有需要審查時,其實已經可說是「叫糊」,有機會獲聘。簡單而言,入職審查可以分成兩種:需要審查考生和家人的一類,以及只審查考生自身的一類。

需要審查考生和家人的一類,一般要填寫俗稱「三世書」的GF200,內容主要是考生自己、配偶、考生父母兄弟姐妹以及配偶父母兄弟姐妹的個人資料,以供相關部門查核他們是否有案底。如果考生或其配偶的家屬有人曾有刑事案底,亦不代表必定不合格,要視乎所犯的罪行和招聘部門的要求,不能夠一概而論。這類品格審查一般需時一個月或以上,當然有時因應部門的需要而有差別,急著用人的,甚至會有conditional offer-先入職才慢慢查,不合格就要離職。

很多考生會擔心家人或自己的情況會否令自己不能過關,事實上每個職位的審查標準不一,例如警察、ICAC最嚴格,警察要見審查官和查馬會戶口、ICAC更有家訪,所以很難給予大家「一定得」或「一定會肥」的評論,換言之,很難就「我曾經xxx,過不過到關?」這類問題給予一個確實答案。(拜託不要再問這類問題了,我也答不到。)

簡單而言,自己有刑事案底,大多過不了。警司警誡、守行為並不是刑事案底,要否申報視乎個別部門,即使有亦不一定會過不了關,正如筆者親戚小時候曾接受警司警誡,現時已是警長。縱使家人有刑事案底,亦要視乎性質、嚴重程度和發生時間,只有審查官才能說是否合格。而輕微犯事如觸犯交通規則、亂拋垃圾、違例吸煙等則一般問題不大。

警察會紀錄一籃子的定罪案件,作為防止罪案以及發出「良民證」的參考,當中會被紀錄的罪行,可作參考:
http://www.legco.gov.hk/yr03-04/chinese/panels/se/papers/se0402cb2-2986-1c.pdf

此外,根據《罪犯自新條例》(第297章)(《條例》)第2(1)條,首次被定罪但並未因此被判處監禁超過三個月或罰款超過10,000元,而且在三年內沒有再被定罪的人士,該項定罪便會變為「已失時效」。符合《罪犯自新條例》而可免予披露「已失時效」定罪紀錄的政府職位申請人並不需要向聘任當局申報有關的紀錄,但條例並不適用於各職級的紀律部隊人員、薪俸在總薪級表第27薪點或以上的公務員、首長級公務員、司法人員及金融監管機構人員等。(相關資料:http://www.info.gov.hk/gia/general/201403/19/P201403190408.htm

至於家人的病歷,特別是精神科病歷,理論上自從有案例以後,部門應不會再以家人有精神病歷而拒絕招聘。

即使不用填「三世書」的職位,代表入職時只會查考生本人的背景,這類審查一般在一個月以內完成,當然按個別情況會有差別。雖然只查考生,但這並不代表考生的親戚不會有影響,因為日後升至較高級(特別是晉升至高級公務員甚至首長級公務員)或者調至敏感部門(例如局長辦公室)時,亦可能需要審查家人的背景。最高層次的審查,並不止於審查家人的案底,還包括被審查者的資產等,更要面見被審查者提供的擔保人,讓審查部門可以了解他的生活。是否揮霍、是否風流等也會考核,非常深入和複雜(我怎知道?因為試過當擔保人,最終被邀請到警察總部面談半小時。)。

除了審查個人或家人的刑事案底,亦會審查財務狀況。樓宇按揭、學生資助貸款(如Grant Loan),或者一般信用卡金額不大的分期付款問題不大,但如果有大金額私人貸款、欠卡數便可能要預備合理解釋,至於何謂「大金額」,每部門嚴謹程度不一,又是很難說。如有馬會戶口,部分投考職位如警察還會作審查,如果每每「落重注」,可能過不了關。

一般情況下,完成審查才會安排身體檢查(上述的conditional offer除外)。一般文職職位的體檢亦不會太嚴謹,度高、磅重外,還會照肺部X光、驗尿、驗眼(包括視力和辨認顏色)、量血壓等,最後會見醫生。但老實說,我還沒聽過有人在文職的驗身中不合格。

至於紀律部隊除了上述的檢查外,還可能需要驗血(如救護員因要接觸病人而須驗乙型肝炎),驗眼的要求亦較高(如飛行服務隊機師和空勤主任,以及消防員要求沒近視;警察、海關和懲教須使用槍械亦有較高要求),驗身時在診所亦需要換上方便檢查的長袍。至於合格的規定亦會較嚴格,聽說過的不合格例子,包括血壓太高(考救護)、色弱、兒時哮喘(考消防)病歷等等。但補充一句,特別是紀律部隊,有時身體有某些毛病,重點不是人家會否聘請你,反而是自己是否適合(見另文:學懂放手)。

色弱是其中一種最多人有的問題,檢測時首先會給你看俗稱「波波圖」的數字,如果看不到,某些部門有可能讓你排D15色板。如果排得到D15,亦很大機會被取錄。

D15測試例子:
http://www.color-blindness.com/color-arrangement-test/


備註:本文旨在讓考生知道審查和身體檢查的大致情況。由於此文章相信是最多人瀏覽的,但留言太多而網頁有上限,太舊的留言會先刪除,此外寫多一點,讓大家可以不用每事也留言問。

202 則留言:

  1. Control師兄你好!我想問下關於我考救護既問題。我今年2月頭interview完之後,到4月中收到email叫上總部簽財政審查同授權查案底,到5月頭就收到waiting list信,等左成個月都無消息,咁請問我依家個情況仲大唔大機會做到救護員呢?

    回覆刪除
    回覆
    1. waiting list從來都不一定有份。不過, 以消防處的做法, 好多時會用哂waiting list, 有可能係三至六個月之後先有消息

      刪除
  2. 請問有色弱是否一定不能考警察?如排得到D15色板,會有機會被取錄嗎?

    回覆刪除
    回覆
    1. 記憶中警察有D15, 如果得就可以

      刪除
    2. 師兄,
      我5月入職房署時睇唔到波波圖排到d15
      8月驗身調職去屋宇署但我今次驗身睇唔到圖又排錯左d15會唔會入唔到職?

      刪除
  3. 你好control ,我參加左大學生輔警計劃。我5月頭審查交齊資料,打左手指毛,簽左口供紙。到現在仲未有消息。我聽到同期一齊考既朋友星期一入班,我係咪已經fail左? 如果fail係咪會收到信件。 麻煩你
    Btw,唔好意思,我禁錯制去左其他篇章留言。

    回覆刪除
    回覆
    1. 有可能,但紀律部隊要一班班入,未必同一時間能教到咁多人,有可能分批,所以未收fail信都仲有機會

      刪除
  4. 我pass咗紀律部隊嘅final interview,但我老公個細佬有過刑事紀錄,係搶劫判左感化令,想知究竟會唔會令我過唔v e t t i n g?

    回覆刪除
    回覆
    1. 未必, 視乎你見乜紀律部隊, 例如消防處不查家人, 其他亦未必一定fail

      刪除
  5. 你好,CONTROL兄 本人有輕度弱視 即帶眼鏡後都未完全達到正常人視力水平標準 ,

    本人正在投考入境處 IA職位 ,請問本人如果能夠到達體格檢查時被判定視力不合格後 會否有類似 一樣的其他替代檢驗標準?





    回覆刪除
    回覆
    1. 我相信無。但我之前都講過, 有時身體很誠實, 無得勉強, 如果唔適合做但夾硬來, 對自己、同事和市民都好危險。淨係辨別假證件已經要比常人擁有好的視力去判斷

      刪除
  6. 師兄 我想問下呢 我哥哥想考消防 媽媽坐過監會吾有影響 同埋 有個細佬借左財務問 會吾會令到佢考吾上架?

    回覆刪除
  7. 你好,之前問銀行借過8萬貨款,但係已經還曬,甘對二級懲教助理既vetting有無大影響?

    回覆刪除
  8. 想問 於大專抄功課被發現 去了紀律委員會 會否有影響?

    回覆刪除
    回覆
    1. 都係個句, case by case, 無得答, 不過多數唔會去到咁深入

      刪除
  9. 師兄,我想問下我vetting(6月頭vet完)之後,佢係咪一定會打電話比我爸爸媽媽架?我係考pc的 唔該

    回覆刪除
  10. Control師兄你好,想問如果vetting fail 左一次,係咪等二次考都一樣fail? 謝謝

    回覆刪除
  11. 想問問上年考警察檢時check到有輕微心辦倒流,但醫生寫左報告話唔會影響有關工作,但最終fail.今年再考PT個陣申報左,現已去到vetting階段,想問體檢有問題但醫生比ok其實會唔會過到體檢,謝謝。

    回覆刪除
    回覆
    1. 醫生只係將客觀的事實交部門,部門決定。但如果你今次咁唔好彩再fail,我諗你可以死心

      刪除
  12. 另外想問多少少
    3. 通常財務審查會叫你交幾耐時間既文件?一兩個月前CUT既戶口/信用卡使唔使交? 例如唔常用、少用
    4. 一筆一萬蚊既LOAN,分12個月還,未試過遲交/冇交,影響又大唔大?

    回覆刪除
    回覆
    1. 份份工唔同,我唔會答到你,總之欠債一定有影響,但程度不同、職系尺度不同,無得答

      刪除
  13. 本人兄長有思覺失調,但已康復。請問會否對本人投考警務督察造成很大影響?

    回覆刪除
    回覆
    1. 文中已有提及家人精神科病歷問題,煩請爬文

      刪除
  14. Control師兄你好
    本人曾有情緒病,食過衛生署註冊的藥物,依家好返同停藥接近兩年,想知對入境主任的vetting有大影響嗎?

    回覆刪除
    回覆
    1. 醫生問你的話要照直講,好難講話影響有幾大

      刪除
  15. 你好Control 師兄, 有兩個問題想請教你, 想問海關既助理貿易主任需唔需要填GF200查埋屋企人, 因為佢好似係文職. 另外文房屋事務主任(Housing Officer) 係咪都係只查自身. 感謝

    回覆刪除
    回覆
    1. 唔好意思,我唔清楚,但文職不代表唔查,例如EO都要GF200

      刪除
  16. Control師兄你好,考IA,但腰上有紋身會否有影響?如果入班後被發現會否被踢?

    回覆刪除
    回覆
    1. 通常入班前body check有可能會發現,雖然無明文規定唔得,但教官點處理就唔知

      刪除
  17. 之前曾做手術,做體檢時醫生問我在哪間醫院做手術,那麼醫生會聯絡醫院檢查我的病歷嗎?

    回覆刪除
    回覆
    1. 醫生應該會提交部門,由部門決定

      刪除
  18. 本人在荷蘭住左三年,啱啱從荷蘭返嚟香港,係荷蘭一向有食開大麻,請問對驗身有冇影響?

    回覆刪除
  19. 我是應屆畢業大學生,每月有約三千元卡數,不過每期都全數清還(用卡是純粹方便不用帶太多現金出街或是分期付款購買電話之類)。請問對投考警務督察或警員有大影響嗎?查這類紀錄是否只查最近一年?

    回覆刪除
  20. 本人投考二級懲教助理,已收到交vetting form.但母親於本身被判“呃綜援”,罪成,社會服務令。想問會否影響本人,考唔到?

    回覆刪除
    回覆
    1. 要查家人的職位一定會影響,但最後yes or no好難講

      刪除
  21. 你好,本人二級懲教助理準備品審,哥哥是現職海關,哥哥爸爸都坐過,請問影響大吾大?

    回覆刪除
    回覆
    1. 你哥哥考海關時過到, 即父親的案底不太影響, 另一哥哥如果都是之前有案底, 其實都係指標顯示不影響

      刪除
  22. 你好, 本人上年考海關關員Final in 完, 一年幾了, 但係到依家都無消息, 上網眼見有的考生已經有vetting, 有的又收call, 有的又有waiting list, 但係我咩都無,又無信, 有無call 係咪即係已經fail 左,

    回覆刪除
    回覆
    1. 未必, 如fail一早收有信, 只要有份先會有需要搞

      刪除
  23. 你好
    我想問入境IA會唔會睇埋家人既財政狀況,我父母很早已經離婚,我跟母個邊,而父親最近申請破產,但我個人財政良好,我想問會唔會影響vetting??
    昐覆,十分感謝!

    回覆刪除
    回覆
    1. 家人破產會影響, 但每人家庭狀況不同, 未必一定fail

      刪除
  24. 想問問入境IA,vetting時要交父母兄弟的bank statement 同申報他們的債務情況嗎?

    回覆刪除
  25. 你好 想問一下我兩個月前向銀行及財務公司合共借左7萬5千 未還曬。對我考入境助理員有無影響?已經final in左,係唔係已經查緊?如果我依家買曬有無用?

    回覆刪除
    回覆
    1. 紅色部分pls, 何況你要進入審查階段先會查, 還左當然好

      刪除
  26. 你好control,我上一份工作跟前上司交惡,現在VETTING階段, 擔心審查工作履歷時佢會給予劣評,有影響嗎? 謝謝解答

    回覆刪除
    回覆
    1. 1 未必一定會call舊上司 2. 審查人員都知情況, 唔會淨係聽哂一面之詞

      刪除
  27. 你好,我想問爺爺有案底對孫考警察會唔會有影響?
    查三世包唔包祖父母?

    回覆刪除
  28. 本人懲教助理 vetting中,
    因偷野2次警司警誡同1次感化令18個月
    2008年或以前發生
    請問我有無機會? 還是必定不合格?

    如何我等多幾年,例如2018再考,十年既紀錄時間會否增加合格機會?

    感謝

    回覆刪除
    回覆
    1. 因為有三次, 個人覺得機會不大, 一試無妨, 如果fail vetting就自己知自己事了

      刪除
  29. 你好 想請問,如果填GF200個時唔小心填漏左曾申請的政府工,會唔會影響vetting result, 因已繳文一星期左右,謝謝

    回覆刪除
  30. 請問在甚麼情況下要查埋屋企人的財務狀況

    回覆刪除
  31. 我考緊輔警,3月做左body check,4月vetting,一星期多前有電話通知我body check expired 左,叫我做多次,電話通知之後又再冇消息了。請問係咪應該會有信寄尼先做到body check?

    回覆刪除
    回覆
    1. 佢通常會寄信或叫你上去拎驗身信

      刪除
  32. control 師兄
    有哮喘過唔過到救護body check?

    回覆刪除
    回覆
    1. 老實講未必得, 消防救護要求體能高

      刪除
  33. Pt30文職 GF200是否只查自身家人刑事 工作紀錄?
    病歷會查嗎?

    回覆刪除
  34. 師兄你好,我剛剛這次icac被編入了waiting list(助理調查主任)6月左右,想請問被召回進入vetting或收到offer機會還大嗎?waiting list period from28/5/2016 -28/5/2017

    回覆刪除
    回覆
    1. 好難講, 每份工作的空缺、以及你的排名都會影響

      刪除
  35. 本人12歲曾高買被警司警戒,哥哥也一樣,我也照實寫在vetting 表格上,據說不會引致不合格,但會否會影響分數,而被編到最遲一批入班,感謝回答

    回覆刪除
    回覆
    1. 有可能的, 但其實當中很多計法都不會公開, 你和我都只是靠估

      刪除
  36. 我老豆8年前吸食毒品坐左3個月左右
    同父異母既呀哥5年前打交,話3年內冇犯就cancel案底,penalty 幾千蚊(分左居10年)
    呀媽30年前逾期居留

    唉,覺得過到police既vetting機會如何?有冇1成機會

    自身冇信用卡.冇馬會,有儲開錢

    回覆刪除
    回覆
    1. 父親的影響很大, 一試無妨, 如果衰vetting, 無謂再試

      刪除
    2. 作者已經移除這則留言。

      刪除
    3. 會有分別的,但都係一試無妨, 如果衰vetting, 無謂再試

      刪除
  37. 師兄你好,請問如果破過產,但已解除,會否有影響?

    回覆刪除
  38. 即是說,坐過監既人,其實都唔駛嘗試投考政府工??

    回覆刪除
    回覆
    1. 不是。正如上面講, 有罪犯自新條例, 如果投考的不是「除外」的工種, 自己又符合條例的定義, 係有可能獲聘的

      刪除
  39. Control兄你好,我幾年前曾因藏有少量大麻被捕,最後簽保守行為無留案底,但都上左報紙。
    你認為日後投考政府工仲有冇機會呢?感激不盡!

    回覆刪除
  40. 你好 我岩岩交左gf200 入境事務助理員
    自己冇任何刑事記錄 冇借貸
    但父親曾守行為 母親有借(*信兄弟)錢 大約6000
    請問對vetting影響好大?

    回覆刪除
  41. 你好 如果父親多年前被指控洗黑錢坐牢10個月,其後申請破產,我能過ao/eo/廉署調查主任vetting機會大不大?

    回覆刪除
    回覆
    1. 我相信ICAC和AO的機會很微, EO亦不見得為高太多

      刪除
  42. Control 兄請問文職NCSC 既vetting 係咪一樣咁嚴? 之前Apply NCSC都要填GS-2000..

    回覆刪除
    回覆
    1. 如果申請職位要填GF200,審查都係嚴格,主要係職位需要

      刪除

  43. Control師兄你好,第一條問題1.本人33歲是不是投考警察,入境,懲教都只會是陪跑?不會有機會取錄?聽說面試會問你好難的問題讓你知難而退。

    第二條2. 本人少不更事,欠下十多萬元,申請破產,其後也沒有還給以前破產的銀,到了現在解除破產令已有三年會不會對我以上三個職位有所影響,可以心死?還是有方法去拆解?感謝回覆

    回覆刪除
    回覆
    1. 有破產紀錄絕對有影響,特別是警察,一試無妨,但如果最後過唔到審查,你就知乜事,可以死心

      刪除
    2. 想補充一點,投考警察是不是33歲都有機會取錄?

      刪除
    3. 無問題,海關關員試過有41歲學員畢業

      刪除
  44. 你好 想問下如果收到vetting call既話要交啲咩財政資料?

    回覆刪除
    回覆
    1. 紅色部分唔該。你考乜職位我都唔知,我有乜可能答到你

      刪除
  45. Control兄,本人投考IO一職並收到ER Call,但係由於大學未發出學歷證明,所以仍未能完成補交資料既程序,想問會否影響餘下既招聘程序?例如:直到資料提交完成才vetting call?

    回覆刪除
    回覆
    1. 如果你是香港的大學課程(不是外國大學top-up),問題不大

      刪除
  46. 因懷孕而未能做照肺,會否因此不能入職

    回覆刪除
  47. 警誡緊會唔會影響入政府工小薯片職位

    回覆刪除
    回覆
    1. 以上問題非紀律部隊

      刪除
  48. 回覆
    1. 本人正在投考二級懲教助理,final in後briefing填GF200。
      1.GF200中問到"曾否被定罪?",例如在7年前在兒童法庭因搶劫判兒童保護令,無留案底,這算是定罪嗎?要填在"有及說明"嗎?

      刪除
    2. 2.承上題,就著問題1所題及的例子,這類兒童法庭紀錄他們check到嗎?這類紀錄影響很大嗎?
      3.承上題,如果他們根本check不到有關紀錄,會基於我填"有及說明"上的資料用作審查及考慮之用嗎?

      刪除
    3. 不清楚你被判的保護令詳情,但如果沒有定罪,理論上就填沒有了。

      但要查的話,人家一定會查到,只不過未必有太大影響,正如警司警誡一樣

      刪除
  49. 我有部分波點圖看不到,但排到上面link的D15。
    懲教會因我看不到波點圖而給我D15嗎?排到D15等於pass? 謝謝!

    回覆刪除
    回覆
    1. 唔肯定,因為唔係個個職系都接受D15,但如果有的話,排到就得

      刪除
  50. 請問IO驗眼要求高嗎?可以戴眼鏡驗的嗎?

    回覆刪除
    回覆
    1. 謝謝您,因為之前聽過戴眼鏡驗一次,唔戴再驗一次。我近視600度,沒色弱,問題不大嗎?

      刪除
    2. 600度記憶中入境處還可以接受

      刪除
  51. 如果一年前借左銀行錢讀書, 而家分期還緊, 有影響嗎? 仲有股票戶口有影響嗎?

    回覆刪除
  52. Control兄,收到EO vetting form,想問會不會ref check現任僱主(私人公司)?因現在僱主不知我想離職,怕會寫衰我!謝解答

    回覆刪除
    回覆
    1. 唔該哂control 兄,咁淨係簽左vetting form代唔代表授權佢ref check employer?

      刪除
    2. 唔代表 , GF200查的是刑事紀錄

      刪除
  53. Control兄,小弟黎緊考救護員
    但前排屋企人犯左事要坐監,想問下會唔會影響我既vetting?很擔心,求解答,謝謝。

    回覆刪除
  54. 想問下 其實我簽授權嘅時候 淨係話比佢查自己嘅刑事記錄 係唔係唔會查埋屋企人?
    入境事務助理員會需要查屋企人財政?

    回覆刪除
    回覆
    1. 只查自身的話,唔洗填GF200。要查家人,就會填GF200就要填埋家人資料,IA是會查家人的

      刪除
    2. 會查家人財務?

      刪除
    3. 查多數會, 但去到幾深入我就答唔到

      刪除
  55. 師兄你好!
    我入icac做司機
    今日驗身佢話我有蛋白尿
    請問重請吾請?
    已簽聘書9月19返工!
    求解答!
    thankyou

    回覆刪除
    回覆
    1. 只要簽左聘書,而聘書不是conditional offer,就當是pass了

      刪除
  56. 想問一下,如果之前被判200小時服務令,可否考文職aco

    回覆刪除
    回覆
    1. 難講,社服令是定罪,但較輕刑罰,視乎犯乜事

      刪除
  57. 牙齒因意外缺失.能過體檢嗎?當然不影響說話

    回覆刪除
  58. 有關合約文職品格審查,本人面試時簽了一份授權審查案底(本人及家人均無案底了)。
    請問此類審查需時幾耐?現有4個多星期了,音訊全無,是否獲錄取機會渺茫?

    回覆刪除
  59. control兄,本人現職PC,考緊其他紀律部隊officer,fib約1個月後收到PR email比我上司discipline check,但無收過call,想問呢個係政府部門之間嘅一般程序,還是我有機會vetting?感激

    回覆刪除
    回覆
    1. 有機會, 因為面試後call的話, 好大機會至少有waiting list

      刪除
  60. 14歲時俾告搶劫 之後係更新中心過左半年 但11年來紀錄良好 係咪所有紀律部隊都唔洗諗?

    回覆刪除
    回覆
    1. 一試無妨, 但如果vetting fail就基本上唔洗再諗

      刪除
  61. 你好, 我查看很多資料, 知道警隊的Vetting是最嚴的, 但都有人有警司警戒都可入班, 我想知道其他的force準則是否都一致?

    因為本人現入境IA Vetting中, 但因為年少時無知有過偷竊的警司警戒, 家人身家清白. 對此事很煩心....請問你有無入境的成功例子?

    回覆刪除
    回覆
    1. 無例子, 不過理論上不會「即死」, 樂觀的

      刪除
  62. 關於懲教body check
    唔戴眼鏡完全睇唔到,咁係咪姐係fail?

    回覆刪除
    回覆
    1. 有可能, 因為懲教都係要操作槍械的紀律部隊, 眼不能太差

      刪除
  63. 考pc去到填寫pol850, 因為家人同我關係唔好,而我也搬出去住了,去到家人果一項要填寫pol850是否不能全空置?因為關係去到斷絕關係,問唔到佢地拿身份證副本,咁vetting係咪有好大影響?

    回覆刪除
    回覆
    1. 紅色部分pls, 為甚麼不去問審查官?

      況且, 你絕對不會是第一個家境複雜的考生

      刪除
  64. Control兄你好,有幾個問題想問你:
    1.) 剛剛昨天22/8完成左IO既final in,交埋gf200,想問黎緊既日子我係等緊咩程序完成?
    2.) 每個程序大概要幾耐?
    3.) 係咪如果final in fail就會收到信?
    4.) 一路都冇收到fail信的話,係咪等一兩年都仲有機會?

    問題較多,希望control兄有空解答。

    回覆刪除
    回覆
    1. 只要審查過關, 大約一兩個月內, 就有驗身, 但如果無驗身信亦唔代表fail, 可能係waiting list等下一班

      一日無死信, 有waiting list, 一年半載內有call唔出奇

      刪除
  65. control 兄你好
    本人已在IA vetting中,但印象中屋企人多年前有一次非法聚賭打牌俾人拉上差館,但交左罰款吾洗上庭,想問對本人vetting大影響嗎?

    回覆刪除
  66. 本人與父親雖然有直屬關係,但只是相處了4個月左右,當時大約5歲 ,所以對他沒有什麼印象。同時,我24年來,沒有任何接觸。如果父親犯下嚴重罪行,會否考唔到警察?

    回覆刪除
    回覆
    1. 其實呢類case相信你不是唯一一人, 部門會適當處理, 影響一定有, 但唔可以講「實死」

      刪除
  67. 師兄,你好,想問一下,因為我左眼有輕度弱視,配帶眼鏡後都未能糾正,情況就像200度近視左右、沒有散光、色弱,這會否過不到救護或懲教的BC?謝謝解答!

    回覆刪除
    回覆
    1. 會很大影響,但我都係個句,有時問題不在人地請唔請,而係你其實適唔適合做

      刪除
  68. control 兄你好
    本人已在IA vetting中,但印象中屋企人多年前有一次非法聚賭打牌俾人拉上差館,但交左罰款吾洗上庭,想問對本人vetting大影響嗎?

    回覆刪除
  69. control兄你好,
    本人在13歲左右因盜竊被警司警誡,之後沒有再犯過罪,現年23歲。近日申請了政府文職(CA同ACO),請問影響大嗎?如日後收到Offer,品格審查要如實上報嗎?謝謝解答!

    回覆刪除
    回覆
    1. 無須上報,人地會查到, 警司警戒不算刑事案底

      刪除
    2. 謝謝你的解答!請問警司警戒對申請政府文職影響大嗎?因為有聽過警司警戒過的人也考到紀律部隊,所以也心存希望能考到文職。

      刪除
    3. 都係個句, AO又係文職, CA又係文職, 職系不同要求不同

      刪除
    4. 如果只係CA/ACO這類普通的文職呢?要求會唔會無咁高?

      刪除
  70. 審查及Body check 會查以往入院紀錄嗎?
    會因以往病歷影響嗎?

    回覆刪除
    回覆
    1. 一般不會查, 但醫生有需要會問你病歷, 就必須如實回答

      刪除
  71. 請問海關關員係咪只查自身?因為屋企人有案底,但我自己就冇案底、冇欠債,想考政府工。想問下,有咩政府工係查自身,不查工三代?

    回覆刪除
    回覆
    1. 海關記憶中會查家人。應該調轉講, 除了高級(AO/EO/專業職系之類)、紀律部隊之外, 好多都唔洗查三代

      刪除
  72. 男朋友買樓,我幫他做擔保人(500萬倒),,這樣也會算是我的貸款嗎?另外,他20年前藏大麻被罰500元,,其實我也不知道是否刑事,如果我想考PC ,結婚的話會影響VETTING 嗎?

    回覆刪除
    回覆
    1. 正常買樓沒問題。藏大麻應算刑事,vetting有影響,但理論上入左職先結婚,要再vetting的機會不大(除非升職、調敏感位)

      刪除
  73. control 兄你好
    本人IA vetting中,我哥係11年前被判宵禁令, 想問對本人vetting大影響嗎?

    回覆刪除
  74. 請問conditonal offer會唔會因為bc 時pregnant而取消?
    謝謝

    回覆刪除
    回覆
    1. 多數不會, 視乎terms, 但即使紀律部隊, 懷孕都只可能推後入班, 唔會無左offer

      刪除
  75. Control 師兄您好,想問一下如果之前曾經拖欠政府loan 6-8個月,但而家已經完全清還,事情發生係約莫一年前,期後次次清。對於vetting 有無影響?會吾會好大影響? 本人現投職IA, 等緊審查。謝謝

    回覆刪除
  76. Control 師兄您好, 我係5年前因為刑恐留有一年感化+案底,又差銀行15萬.
    依家係政府部門做緊T-CONTRACT,
    其實我係唔係已經完全唔洗去考ACO....又底又財務FAIL...

    回覆刪除
    回覆
    1. 你係乜案底, T-contract有無審查過? 未必一定死, 但你個底好花

      刪除
  77. 你好!師兄!
    請問懲教處是否會查海外紀錄?
    因為填form時有一項是問有否在海外居住
    本人曾在海外working holiday 2年 ,離境後才發現有快照超速罸款,但當時visa己完結離境沒法罸款 ,有否影響 ?

    回覆刪除
  78. Control 師兄hello
    如果曾做過收數員 (外訪專員) 係正當合法,要著西裝上門替銀行,電訊商派信提醒還錢個種會唔會對審查有影響?

    回覆刪除
  79. Control師兄你好 我想問下 有輕度弱視 可唔可以考到救護員

    回覆刪除
    回覆
    1. 都係個句, 唔係考唔考到的問題, 係應唔應該考的問題, 會影響其他人的

      當然, 如果你要試下, 一試無妨, 唔得就死心

      刪除
  80. 關於海關關員body check
    唔戴眼鏡完全睇唔到,咁係咪姐係fail?

    回覆刪除
  81. Control師兄,如果我上年向邦民斷斷續續total借左三萬蚊,冇遲還,上兩個月已經清哂條數,冇其他信用卡,另外有馬會户口,本身都有賭開(平均一個月500-2000)幾個月前已經cut左,我想下年投考Pc,想問品格審查係咪一定fail,定係仲有機會?

    回覆刪除
  82. Control兄你好,我係第一次考PC,就快到vetting,比較擔心中學成績表會影響。
    中一至中六總共有9個缺點,大部份都係欠功課,粗口之類,而中五個年曾經因偷野比人記左2個大過,後尾學校有向善計劃,最後變番得一個小過,同年既紀律係D,後來中六改過並急起直追,紀律上番B,想問下影響大唔大?
    p.s.中一至中六有10個優點,一個小功,同埋今年大學畢業

    回覆刪除
  83. Control 師兄, 你好我之前左PC 大招時(視力)勉強過關. 係BODY check時 會不會過吾到(視力果PART), 除了有近視, 沒有其他眼睛問題. 會吾會過吾到關? 感謝

    回覆刪除
  84. 你好 我朋友有top up degree學歷(政府認可 有資歷架構5) 可唔可以申請考消防隊長??

    回覆刪除
    回覆
    1. 政府認可係5就得, 否則要去學術評審局

      刪除
  85. Control228師兄 我想問15歲因為同屋企人打交要守行為 如今沒有再犯 去灣仔查過記錄話我無案底 咁想問在品格審查需要列出跟屋企人打交嗎?

    回覆刪除
    回覆
    1. 守行為不是案底, 人地問你有無刑事定罪可以答無

      刪除
  86. Control 師兄您好,二年前小第曾經俾警察告誤導警務人員 我拎左媽張禁區紙俾女朋友入沙頭角.之後俾警察捉到.上左庭 個法官咩都無講 就咁話罰我$2000 落去交錢走得 我知道呢個係屬刑事 如果考警察 品格審查個關係咪一定過唔到 會唔會有機會呢

    回覆刪除
    回覆
    1. 未必過到, 一試無妨, 如果審查唔得你就自己知乜事

      刪除
  87. Control 師兄您好, 本人申請專业職位職位,起薪点27点以上, 已交回GF200, 申報了本人父母家姐的資料, 係咪非紀律部隊職位(例如專业職位)只查自身, 吾会查家人的形事紀錄

    回覆刪除
  88. 本人現投考ia
    有卡數約一萬元
    期期都有還款但係還唔足
    而家還淨大約5千元
    如果做左分期…請問對財務審查果部份有冇影響?

    回覆刪除
  89. 回覆
    1. 唔係份份會驗, 驗到亦唔一定唔請

      刪除
  90. Hello Control兄,小弟申請了一份公務員(專業職系)的工作,今年5月交咗GF200及八月做咗身體檢查。上星期收到部門HR的興趣call,通常收到呢類call大概等幾耐會收正式offer?謝謝你!

    回覆刪除
  91. Control 師兄 想問一問如果父親有案底但自小已分開 會影響vetting 嗎? 同埋分開之後無再聯絡 淨係知佢個名 咁要點報?

    回覆刪除