2015年3月3日 星期二

辭職冷知識

一般到這裡看文章的朋友會對投考公務員有興趣,這次反其道而行,談談公務員辭職的冷知識。

簡單而言,如果已屬長期聘用(俗稱confirmed)的公務員,辭職通知期為三個月,或以一個月月薪的代通知金取代;仍在試用期的,則會按情況而定,一般不會超過一個月通知期,或以一個月月薪的代通知金取代。通知期內必須如常上班,如果無故缺勤,辭職通知期或會被相應延長。

如果想在完成試用期前後辭職,可以免卻辭職的麻煩,乾脆在長期聘用的offer上選擇不接受,便等於在完成試用期後離職。

新制人員一旦辭職,積存的假期便為根據CSR1166折算為現金,每日假期的價值與每日薪金相若。

值得注意的是,如果想「彈弓手」-交了辭職信又後悔,可否撤回?根據CSR 321,有一個很特別的安排:

-如果是首長級人員想撤回辭職,可以向公務員事務局局長申請繼續任職,「一如沒有發出該項辭職通知」;
-但如果是非首長級人員,則由部門首長決定是否可以撤回。

換言之,一旦遞交了辭職信,一般非首長級人員(如筆者)便差不多「舉手不回」,後悔也未必可以收回。所以,辭職前必須三思,更不要天真地以為用辭職可以迫使部門會向你的要求(如調職要求)就範,部門收了你的辭職信,便等於把你解決了。

31 則留言:

  1. 你好~想請問一下VL 可否不折現~直接在1 個月通知期內放左佢?thx!!

    回覆刪除
    回覆
    1. 睇老細, 但不能夠用來抵銷通知期

      刪除
  2. 文職1987年7月前入職 54.5歲或以上 辭職是否要6個月通知呢?

    回覆刪除
  3. 想請大大clarify一下已confirm的新制是否只要肯比一個月人工就可以唔理手頭上未完成的工作而立刻離職?我與部門關係很差,怕遞了信後的3個月會被人整到連政府的額外MPF都無埋。另外仲想問政府的額外MPF是否只要做夠10年辭職就可以拎,無需等到退休?唔辭職又是否無得拎?

    回覆刪除
    回覆
    1. 當然可以, 夠十年辭職當然可以拎自願供款走, 強制就唔得

      刪除
  4. Control兄,請問紀律部隊辭左職,想重新投考返入去是否很難?

    回覆刪除
    回覆
    1. 唔係, 有例子係得既, 視乎考官取態

      刪除
  5. 請問大大,辭職係咪唔可以踩過BAR線?如果通知期最後個十幾日用VL代,紅假個日有無得EARN呢?

    回覆刪除
    回覆
    1. 如果未過bar,一個月通知,或者直接選擇唔confirm, 就岩岩做滿三年辭職

      照道理有返工就有earn假, 唔要扣你

      刪除
    2. 大大,不好意思,想追問多一條。

      CSR
      5/2001 (2) 離職前休假指公務員於停止執行實際職務後及離
      職前獲准放取的任何假期內的缺勤期間。公務員
      離職前休假, 假期會按曆日計算, 而每一天也作
      假期計算; 上文第(1) 款所載的“ 12 天放假規
      定” 並不適用。離職前休假期間放取的例假, 不
      得以半天為單位放取。

      這是否代表我三個月通知期,假如最後十幾天用VL代替,需要每天扣(包括星期六、日、公眾假期)?還是可以用12-DAY RULE,只需一星期扣5.5天?

      刪除
    3. 如果俾你放,就無12-day-rule,要逐日數

      刪除
  6. 大大,小弟已confirm,有28日VL。想請問若以一個月代通知金離職,該28日VL是否會折現並抵消一個月代通知金的部分金額?

    回覆刪除
  7. 大大 請問我知即時辭職要比一個月人工,甘係吾係要當日即刻比我上司,定係遲幾日比返人事部得吾得?同時請問比現金定支票?

    回覆刪除
    回覆
    1. 唔洗既, 到時到候人事部會通知你, 放心, 你想爭政府錢?好難

      刪除
  8. 你好
    「如果是非首長級人員,則由部門首長決定是否可以撤回」
    請問這是否只適用於已遞辭職信但未離職的同事?
    如已遞辭職信並且已離職(即已沒有上班一段時間)是否適用?
    謝謝解答

    回覆刪除
    回覆
    1. 對, 未離職。已離職的話,理論上不適用,但過往有D人辭職後「返兜」,如果部門欠人用,係有機會成功的

      刪除
    2. 非常感謝解答 小弟的情況甚為複雜 真心希望能「返兜」

      刪除
    3. 您好,

      請問如已離職,如何「返兜」?
      向人事部申請嗎?

      是否只適用於已confirm 的公務員?

      刪除
    4. 我想呢個年代會好難, 或者只有警員有機會

      刪除
  9. 如果只做了一星期
    要多久通知?

    回覆刪除
  10. 大大 請問我今個月比返人工即刻走,咁政府仲會唔會出返人工比我呢?另外OT錢,我又使唔使比返政府?THX

    回覆刪除
    回覆
    1. 一個月通知金? 你俾左即走, 但有剩政府自然會計返俾你

      刪除
  11. 如果冇3個月通知期, 使唔使響resign letter 寫明自己要陪一個代通知金

    回覆刪除
  12. 想問下如果離開左政府, 多年後再投考, 會唔會俾人blacklist?
    同埋, 如果我剛做滿3年過左bar, 政府幫我供左幾個月公積金, 請問呢筆公積金係咪會被政府收番?

    Thanks:)

    回覆刪除
    回覆
    1. 離開政府時,應該會寫明Record留六年, 無人會blacklist你, 辭職再入大有人在

      如果未夠十年走人,公積金會收返

      刪除
  13. Control228師兄,想問紀律部隊辭職係咪同自己隊幫辦講之後交辭職信?

    回覆刪除

注意:只有此網誌的成員可以留言。