2015年5月5日 星期二

內部轉職薪金計算(連例子及補充)

(*此文原本已寫多年,近日多得網友查詢時發現有所遺漏,於是重新編排)

小弟因為曾經內部轉職,所以研究過CSR130內所寫的計算方法,而有很多朋友亦有問過我有關計法。

一般而言,如果新工的入職薪酬比現時的多,大多不用花時間計算,因為多數是拿回新工的入職薪酬。

但若果現時的人工比起新工的入職薪酬為高,就要這樣計算:

如果由 A工 轉 B工, 而現在(A工)的人工高過B工的starting, 要用以下數式:

新任職系(B工)的起薪點  X 轉任前(A工)支取的薪酬
             --------------------------
             轉任前(A工)職系的起薪點

再在薪級表中,找回與計算結果,再根據相關規限,找最接近既支薪點就是了。

看似簡單的「小學雞」份數計算?當然不是如此簡單,首先要找出相關的數字:

1. 轉任前支取的薪酬

- 找這個沒大問題,自己本身在實任職級的薪金而己。

2. 轉任前職系的起薪點

- 簡單而言就是自己職位的起薪點。例如是助理文書主任,起薪點是MPS. Pt.3,即使已升為文書主任,也是以此為計算用的起薪點。在內聯網中,有文件例明每個職系用作計算的起薪點和職級,稱為benchmark rank。

  如果現時職位不同學歷有不同起薪點,應怎樣計算?便要找尋相應的benchmark rank,根據筆者簡單觀察,一般是以最低的起薪點作計算。舉例說,投考警務督察的考生中,最低起薪點的會是持有中七學歷的人(所謂2A3O),最高起薪點會是大學畢業加上CRE合格的人,但假若他們轉職,會一概以最低起薪點(2A3O學歷)作為「舊工入職人工」去計算。

  有文件解釋,背後的理念是假若有兩名不同學歷但現時人工一樣的人轉往同一份工,他們在新職位所得的薪金應該是一樣的。回到剛才的例子,如果他們用回各自的起薪點去計算,若轉職往同一份工作,便會出現學歷較高的人比學歷較低的人低薪的情況(因為學歷高的人在這情況下計算的「份母」會較大)。

  另外,由於近年因應薪酬水平調查和紀律部隊職系架構檢討,現職同事本身職系的起薪點可能已經改變了,應該用入職時的起薪點去計還是現時新入職的起薪點去計算「舊工入職人工」呢?如上面所說,是有文件例明每個職系用作計算的起薪點和職級的benchmark rank,而根據筆者細閱該文件所得,應該是每個職系皆以現時新入職的起薪點去計算

3. 新任職系的起薪點

- 這就是招聘廣告中列明的入職薪酬,一般來說簡單易明。

  但若然轉任的是一個直接聘請的晉升職系(promotion rank),例如高級管工,基本職級是管工,便不是用招聘廣告中列明的入職薪酬,而是相關職系的benchmark rank,因為CSR中計算用的是「新任職系的起薪點」,即是一般為基本職級的起薪點。換言之,在上述例子中,用以計算的,不是廣告中「高級管工」的入職人工,而是「管工」的入職人工作為「新任職系的起薪點」。

  所以,如果轉任至晉升職系,計算出來的人工可能會被減少了。
--------------------------------------------------------------------------------------------------------
好的,說說例子:

例如一個做了四年的二級助理貿易主任(ATO II),人工為pt. 18 ($29650) (ATO II 入職薪金為 pt. 14 $24380) 轉職往 二級聯絡主任 (LO II 入職薪金為 Pt. 11 $20600), 新的薪金便會是:

20600  X  29650
                ---------
                 24380

=25052.91 (最近的pt. 為pt. 15 , $ 25600,) 所以要減薪!

--------------------------------------------------------------------------------------------------------
另外,在CSR 130中亦規定,計算結果須以下述支薪點為上限:
(i) 最接近轉任前薪金的新任職級支薪點對上一個支薪點;以及
(ii) 新任職級的頂薪點。
(i) 的意思是,如果計算結果高於現職人工甚多, 你最多只能夠拿到比現在人工(舊工) 的對上一個pt.

舉個例, 如果你係一個max左既EO I (Pt 33 $59485), 轉去做AO (Starting Pt. 27 $45150), 條式會係:

$45150 X $ 59485
               ------------
                 $ 25600 (EO II起薪點)

=104912

這豈不是差不多加一倍人工?? 非也, 因為(i)的規定, 最多只能夠比現在人工(舊工) 的多一個pt.,所以會是pt. 34 ($ 60690)
而(ii)的意思就很容易理解,就算你計出來的結果有多大,都不能夠拿多於新工頂薪點的人工。
------------------------------------------------------------------------------------------------------------------------
而其實這條數式有以下含義:

1. 用你的人工去反映年資, 因為以「現職薪金」除以「入職薪金」, 年資越高, 計算結果越大
2. 對紀律部隊員佐級轉往文職人員不利, 因為紀律部隊員佐級每pt. 只有五六百元, 而文職卻有約一千元, 所以用此條式計算, 在紀律部隊員佐級服務兩年, 才等於你有一年的文職年資

  其實如果大家有興趣計算得準確一點,可以到政府內聯網(公務員事務資源中心內的appointment > pay on transfer)內下載一個Excel 檔案和列明benchmark rank的annex,只需輸入各項薪金金額便可計算得到,相當方便。

54 則留言:

  1. Control 師兄你好,
    本人任職紀律部隊員佐級4年多, 現正考慮是否轉職HO,因素如下:
    1. 現職巳ACT 過一次, 如無意外可5年內升一級,不過MAX仍比不上HO
    2. HO听閒不太好做
    3. 最重要, 我計劃下年結婚, 今年曾以單人身份申請公務員綠表資格但不成功 (WAITING), 打算下年結婚後再申請, 擔心轉職後不可申請.
    請問Control 師兄有咩意見
    THANKS

    回覆刪除
    回覆
    1. 明白, 純粹係「綠表」與前途間的取捨

      我唔知你的家庭背景如何, 拎綠表打算買新居屋定二手居屋? 如果係新居屋, 一樣要攪珠, 有綠表都未必有樓揀;

      二手居屋郁下都三四百萬, 真係俾綠表你, 諗住預算幾多?

      我個人係會在兩者間選擇「前途」, 始終max 係pt. 27, 就算頭十年乜房屋福利都無, 以你人工去計, 轉職唔洗點減人工, 但之後跟MPS每年升pt. 較現在多。仲有紀律部隊太多陷阱, 5年內無風無浪有得升, 但邊個保證? HO不好做, 但我可以說, 紀律部隊轉文職, 所謂「難做」相對上只會是小學雞程度

      不如講下你想結婚買樓的預算如何, 諗得到就未必俾「房屋福利」拖住你升官

      刪除
  2. 你好
    我的舊工作起薪是pt7. 現在我有pt9
    如果我的新工起薪是pt9

    那我轉工後該是pt9 定pt10

    回覆刪除
    回覆
    1. 邊個薪級表? 按上面方式計, 最接近個pt.

      刪除
    2. 兩個都係MPS

      舊工STARTING PT 7 $16,140
      做左兩年而家係 PT 9 $18,310

      新工STARTING PT9 $18,310

      18310 X 18310
      ---------
      16140
      等如20,771

      最近係PT11 20,600

      但 最接近轉任前薪金的新任職級支薪點對上一個支薪點 呢個規定
      規定左係PT10

      係咪即係PT10

      刪除
  3. 本人現on trial B工,想revert 返A工,想問人工點計?係咪當我一直冇走過咁計?

    回覆刪除
  4. 人工、年資都當你一直冇走過咁計

    回覆刪除
    回覆
    1. thx,咁有冇話最長hold我幾耐先返得去?

      刪除
    2. 無既, 只要你係on trial期間入紙, 舊部門就要安排, 無確實時限

      刪除
    3. 我revert後發現人工係冇跳到pt,請問是否正確?ie,我應該今年三月跳pt(舊職位),但revert後發現3月份個pt冇跳到,而家出糧個pt係我喺舊部門走嗰時個pt

      刪除
  5. 如果我現職人工30610,入職人工係21410,而新工入職得16140,咁係咪

    16140 X 30610
    -------------------- = 23075
    21410

    就算揾新工最接近嘅point人工,即是最多要減差不多7千

    係咪咁阿?

    回覆刪除
    回覆
    1. 對, 因為在數字上,你的入職人工減左,係「向下流」,減薪係必然的事

      刪除
    2. 如果on trial 期間返轉頭 又會點呢

      刪除
    3. 講明左, revert就當你無走過一樣, 人工、年資都係

      刪除
    4. 當無走過嘅意思係咪即係我喺舊部門上年跳pt嘅日子都會當我跳左pt?

      刪除
    5. CSR200寫左:調回先前實任職位的人員不屬調任,通常可恢復本來的增薪日期和如果留在該職位便應到達的支薪點及排名位置。

      刪除
  6. 你好,請問如果我舊識未過試用期,內部調職之後可唔可以再番番去?

    回覆刪除
    回覆
    1. 程序上不可以, 未過試用期無旋轉門。但好耐以前(無人做公務員的年代)有人quit左出去都可以求返個位, 但近年無聽過了

      刪除
  7. 如果我現職人工30610,入職人工係21410,而新工入職得25505,咁係咪

    25505 X 30610
    -------------------- = 35464 ??
    21410

    就算揾新工最接近嘅point人工, or i am wrong ?

    thanks
    係咪咁阿?

    回覆刪除
    回覆
    1. 計左出來個數, 不能高過現時人工最多一個pt. , 所以簡單講, 你會用返與現時人工差不多的薪級點

      刪除
  8. If I am confirmed civil servant for post A and then on trial to post B for a few months, then I get offer again for post C. If I take up post C, am i on trial to post C and can I return to original post ? Return to post A or post B?

    回覆刪除
  9. 我想請問一下我現在人工是point 7$(16,890),起薪係point 3 $(13,120)如果新入職人工係point 5 $(14,905)
    咁我轉左職的人工係咪最多都係point 8 $(17,995)呀?

    回覆刪除
  10. 舊工是長俸制,而新工是合約制,請問轉新工後是否仍然長俸制啊?

    回覆刪除
    回覆
    1. 不明白閣下所指「合約制」是否NCSC,如是,當然是合約人員

      但如果是現職轉到另一公務員職位,係會用返原有條件,例如長俸制、假期、福利或者退休年期都係

      刪除
    2. 但我和一般人一樣去投考新工,不知是否(轉職)

      刪除
    3. 公開招聘和內部招聘一樣, 只要係公務員轉公務員, 無斷開, 係會用返原有條件,例如長俸制、假期、福利或者退休年期都係

      刪除
  11. 如果轉去ICAC有冇得帶薪過去,或者由ICAC入政府, 只係好奇想知道

    回覆刪除
    回覆
    1. 一般ICAC的招聘時,會寫明現職公務員轉職可按CSR130計算人工, 而csr亦規定如果confirm左的公務員最多可以去ICAC 做兩個contract

      但調返轉的話, ICAC入政府應該無得計

      刪除
  12. 請問是否需要過了3年試用期才能用此公式計算?

    回覆刪除
    回覆
    1. 不是, 所有公務員都是這樣計, 只不過, 未confirm, 最多跳左兩三個pt, 俾你計都影響唔大

      刪除
  13. 想問平point轉部門,薪金會否有影響?
    Eg.舊工start at pt.1, 宜家pt.5,新工start at pt.5

    回覆刪除
  14. 請賜教:
    本人舊工ACO(MPS Pt.3-15)已到Point 8,
    on trial 轉做 TOT(TPS Pt.3-6), 取當時的 TPS Pt.6,
    現過了一年半, 已考到所需資格, 應可轉做 TO(MPS Pt.9-22),
    未知會拿到point幾...

    不知道是什麼計, 舊的師兄由TOT轉正TO時, 是取Pt.11??

    回覆刪除
    回覆
    1. 應該只會是pt. 9

      但其實有多是有可能的, 一係部門count你經驗計俾你, 但呢樣野無得拗, 佢話事; 一係當年的起薪點有唔同, 令計法不同

      刪除
  15. Control兄,請問如我現職Mps point 12 (starting point 9), 如我轉職starting同為point 9的職位,那我新職位的薪級點是point 12還是point 13?

    回覆刪除
  16. 本人係WSII(point9~point12),現在係攞point 12,照該條公式計,如轉做TO(point9~point22),20060x23970/20060=23970,轉職後應該攞point12;
    假設本人現在晉升為WSI(point13~point16),攞point13,之後再轉TO,根據條公式: 20060x24280/24280=20660, 轉職後即係攞扭point9, 照咁情況,是不是做WSI之後轉TO嘅入職人工仲低過WSII轉做TO?

    回覆刪除
    回覆
    1. 不是,因為Works Supervisor I 係由Works Supervisor II升上去,上文所講的benchmark rank都係pt. 9, 應該係: 20060 x 24280 / 20060

      但要注意,唔係個個職系的benchmark rank係咁計,例如警員升督察,係會當你轉左職系,再轉工用督察做benchmark rank

      刪除
  17. 員佐級pt.7($21875) 轉MPS pt.10($21255)
    計完係$24174
    但最多係現職高1個pt, 姐係員佐級pt.8($22655)
    咁refer 返MPS 係pt.11($22560) 定pt.12($23970)?

    回覆刪除
    回覆
    1. 轉去MPS當然計MPS,即係MPS Pt. 11

      刪除
  18. 現職部門轉工要做三個月前通知,但新工等唔到。如果辭職轉工,請問薪酬係新工幾起薪點?

    回覆刪除
    回覆
    1. 如果係公務員轉公務員, 唔洗辭職, 因為僱主都係政府, 兩個部門會傾好

      如果辭職, 所有起薪、年資全部還原基本步

      刪除
  19. 你好, 想問下我未過PROBATION, 份工PT9-12. E家PT.9做一年轉部門係咪PT10?定要重新PT9? 謝

    回覆刪除
    回覆
    1. 咁要睇埋你轉去的職位起薪點

      刪除
  20. 你好, 想問問.
    我入政府6年, 由同一職系開始做, 由pt9做到pt13. 之後考高一個職系starting pt13, 現時pt15.

    想考HO, HO starting pt9. 如果用現時職系計, 我要減成$6000. 但如果由我入政府開始計未起碼唔洗減人工, MAX又高D。
    咁其實最終又點計算??

    回覆刪除
    回覆
    1. 一定用現時計, 減的原因係數字上, 你係「向下流」(pt. 13起薪變Pt. 9), 我話我轉工都減過, 亦係呢個原因

      刪除
  21. 您好,我原先做post A做了6年,on trial去了post B,想請問:
    1. On trial期間轉去post C,是否用6年年資計? 並且如想旋轉門就只能返回post A?
    2. On trial期(1年)完畢才轉post C,是用7年年資計定只用post B的1年年資計? 如旋轉門可否返回post B?

    回覆刪除
    回覆
    1. 1. 如想旋轉門就只能返回post A, 但年資會由A的第一日起計
      2. 如旋轉門只返回post B, 年資會由A的第一日起計, 但計人工會用B的人工去計「現職薪金」

      刪除
    2. 咁轉到post C都係on trial 1年?

      刪除
    3. 未必一年, 但都是on trial

      刪除
  22. hi control 兄,
    我最近電郵给你有關是否入政府做問题..收到嗎?

    回覆刪除

注意:只有此網誌的成員可以留言。