2015年8月14日 星期五

公務員房屋福利常見誤解

此文目的,旨在解釋一些對公務員房屋福利的常見誤解。

誤解1. 公務員公共房屋配額是「排」回來的?

樓市太瘋癲,中基層對公務員公共房屋配額趨之若鶩,特別是申請公屋。很多人知道年資是首要決定成功與否的因素,但卻誤解了所謂「排隊」的方法。

公務員公共房屋計劃一般在每年的年尾接受申請,有兩年年資,即仍在試用期時已可申請。如果申請公屋,會讓你填下三個選擇。截止後,若大家所申請的選擇一樣,便會按申請人的年資決定誰人申請成功。

若然申請失敗,便要在明年的申請期再申請,重覆以上程序。所以,不要以為有兩年年資時申請趁早「排頭位」,根本沒這回事,每年的申請期都是獨立。舉個例,你一合資格便申請,十年內申請了十次,只有十二年年資,人家只要有十三年年資,即使是第一次申請也可「KO」你。

當然,多一次申請,便多一次機會,但並不是「排」,而是跟人家「鬥」年資。

誤解2. 公務員公共房屋配額規定不同一般市民?

是的,公務員公共房屋配額的入息限制主要是按申請人(以及表列於申請表上的公務員)的薪級而定,但這並不代表完全不用跟隨一般市民申請公屋居屋的規定。其實申請規則上的附表中早已寫清楚房屋署的相關規定。

最基本的要求,是不能在香港擁有50%的住宅物業業權。所以,別以為這是公務員福利,就可以有私樓也能申請公屋/居屋,或者已是公屋/居屋的戶主/業主也可以申請,變相多一間屋,這明顯是不可以的當然,把它賣掉私樓再申請是可以的,現時亦沒有「過冷河」規定,但是否值得,筆者也有分析過(見另文)。

另一個常見的誤解,是曾任居屋或租置公屋業主也可申請。其實房署早已寫明曾任資助房屋業主(如居屋、夾屋、首次置業貸款)不可申請,除非是售出前已申請不涉及金錢下轉名給合資格家人。否則,如果該屋早已賣掉,便只能提出證據申請酌情處理(如因破產、離婚而賣樓),批准與否,權在房屋署。轉名方法,房屋署網站有列明,但如屬房協樓宇,則可參考網上師兄案例

還有,公屋有規定三次編配不接受的話便「終身停賽」,這規定也適用於公務員配額。試過有紀律部隊人員「唔靚唔要」,在三次拒絕後便不能再申請,找部門幫忙,回覆是「處長都幫你唔到」。

其實,很簡單,除了入息和資產限制以外,基本上公務員規定與一般市民沒大分別。當入住以後,便是一個普通的公屋或居屋居民,跟隨一般的規定,並無特權。

誤解3. 一定要先申請公屋?

不是,可以直接申請綠表買居屋。

筆者日後再想到什麼,或者大家有建議,會再增加此文內容,好讓大家「做好功課」。

209 則留言:

  1. 你好! 想問申請公務員房屋, 填選擇時, 有冇策略可言? 例如今年揀A 區,下次揀C區,機會會否大d??

    回覆刪除
    回覆
    1. 用常理去睇, 梗係越舊、越遠就越容易, 但試過太多人咁諗, 翻新屋排大隊, 反而新樓有人年資淺都有份。

      所以, 策略好多時都係跟常理出牌, 但依家人數太多, 好難估

      刪除
  2. 師兄,我已做夠三年公務員,剛結婚,老公本身係公屋同住人,我自己跟家人住緊私樓,想問下如果老公除公屋名,搬嚟跟我同住,我再申請公務員公屋,可以嗎?除填申請表外,需要額外提交甚麼同住證明或其他樓契文件嗎?

    回覆刪除
    回覆
    1. 可以, 唔洗乜證明, 只需要兩位都無戶籍無物業就得

      刪除
  3. 老公係公務員,奶奶間公屋有佢個名為住戶,咁洗唔洗先除名才申請公屋?

    回覆刪除
    回覆
    1. 理論上要, 但有網友試過成功左佢先叫你戶籍除名

      刪除
  4. 各位請問我老公做公務員之前買咗間公屋細單位,但而家結咗婚生咗小朋友唔夠住,可唔可以申請大d單位,或轉名比小朋友是否要滿18歲,點樣先可以住大小小間屋

    回覆刪除
    回覆
    1. 買左租置? 間屋係你既, 又點可以再申請?

      刪除
    2. 佢有寫沒有金錢利益轉名可以,但要轉比父母或子女,所以唔知仲有冇方法可以轉大d間屋

      刪除
    3. 不涉及金錢轉名可以, 之後透過公共房屋配額買過間, 相信是唯一的方法

      刪除
  5. Control兄, 希望你能解答我的問題.
    我同父母一齊住公屋, 已經買左,本來間屋個名寫呀爸, 而家因為呀爸呀媽離咗婚所以間公屋轉左名做呀媽 我同呀爸而家仲住起呢間公屋度, 但我同呀爸起間公屋住戶記錄已經除左名
    我做左ACO三年, 而家想申請公務員公屋, 可唔可以同呀爸一齊申請? 定只可以我自己申請? 謝謝

    回覆刪除
    回覆
    1. 由於已離婚,你申請時只會係爸爸+自己,應可以的

      刪除
  6. control師兄,

    我96年10月入職政府,透過99/00年公務員配額以綠表資格申請「自置居所貸款計劃」及「居屋第二市場計劃」,購買了二手未補地價居屋,並於2013年賣了該居屋買私樓,依家point 21, 請問仲有冇資格申請HPS?

    回覆刪除
    回覆
    1. 我沒有當年申請的規定在手,恕我答唔到,因為當年有好多計劃

      刪除
  7. 請問是派晒全部人的第一志願,才派第二志願。定係按年資,依同一申請人派首三志願,才輪到下一個申請人的三個志願?

    回覆刪除
    回覆
    1. 「房署會為成功的申請人編配最多共三個單位,因編配次序較低而未能按第一選擇獲編配單位的申請人,房署會按其第二選擇,以及第三選擇(如有需要)作出考慮,但須視乎是否有剩餘配額可供編配。」即係話,如果你年資超哂班,可能1-3任揀,呢D人揀剩的先到年資淺的,如此類推

      刪除
  8. 2015/16想申請公屋。年資才十年。不知道機會大嗎

    回覆刪除
    回覆
    1. 難,上次連翻新都可能要十幾年,除非搏偏遠如東涌

      刪除
    2. 謝謝你。想問紀律部隊也是一樣嗎?

      刪除
    3. 好想問好多問題。因為宿舍現在很難抽到。

      刪除
    4. 紀律部隊只有會在十年內退休而居於宿舍的同事才申請特別配額, 其他人一樣係申請一般配額

      刪除
    5. 意思是一般配額。上次比較下。十幾年有機嗎

      刪除
    6. 上次大部份要15年以上, 搏偏遠如東涌先有機呢

      刪除
  9. 鯉魚門公屋只有15个名額,估計最低年資要三十年?

    回覆刪除
  10. 想問下加外祖母是否不可?

    回覆刪除
    回覆
    1. 申請人的祖父母可以, 英文寫「grandparents」可以呢

      刪除
    2. 唔該晒先,但好似一定要連埋外祖父一起申請咁咪三人申請?但我想二人申請咋喎,咁如果丟返轉,我外祖母自己申請街外隊加我一起申請又用不用加埋外祖父呢?

      刪除
    3. 一定要夫婦一齊,否則你同婆婆、阿哥同公公,一家人幾間屋都得?

      刪除
  11. 想問下,咁如果我媽之前租置計劃買左,我姐都有名,係我冇名,咁如而家我媽刪名,咁我可否加我媽一起申請?thx

    回覆刪除
    回覆
    1. 妳媽媽係業主, 要向房署申請轉名俾你姐姐, 如果成功轉到先得

      刪除
  12. Control228師兄,你好,客套話不說了。本人36歲,做了消防18年,已婚2人家庭,想攞將軍澳公屋。機會大嘛?如果攞到,10年免入息審查,但第11年之後會點?雙倍租金?遷出公屋?另外房署會否考慮有機會增添家庭成員而給3-4人單位?

    回覆刪除
    回覆
    1. 18年年資一般都得喇, 但你係2人就2人單位, 有BB先有得計。10年之後, 好大機會係雙倍或市值租金, 所以攞左之後都要諗下, 會唔會儲錢買居屋

      刪除
  13. 您好,本人是現職公務員,年資兩年,今年已經結婚,本人太太是國內的及已經懷孕滿十六周(已經排期在香港醫院分娩)。現況如下,本人母親之前透過租者置其屋計劃購買了公屋單位並跟本人一起居住,本人應該是家庭成員之一或有戶籍。現在想問我可不可以用家庭名義去申請公屋(因為小孩快出生了)及我現在跟母親居住的公屋要不要除名或刪除本人家庭成員戶籍才去申請公務員公屋?

    謝謝

    回覆刪除
    回覆
    1. 你一定要刪除戶藉,但由於你太太未有居留權,所以不能計入去,變成不是兩人申請,要等你太太批准居港或者小朋友出世先係「2/3人家庭」呢

      刪除
  14. 請問我排街外隊而家要填僱員薪金証明書,咁應該比邊個部門墳?(在職公務員)thx

    回覆刪除
  15. Control228師兄,你好,如果紀律部隊員佐級成功攞到公屋後,可唔可以仍然去申請宿舍,獲派宿舍後再交還公屋?退休前又可否再次申請公屋,再交還宿舍?

    回覆刪除
    回覆
    1. 新制人員只要申請左公屋, 就唔可以再申請任何房屋福利

      刪除
  16. 你好,我現在和父母同住 是在租置計劃買下的公屋。我想出年申請公務員綠表,請問需要除名嗎? 因為我見條例指出家庭成員要除名才可申請。但我不知道自己是不是家庭成員。請問在這情況下我可以申請綠表居屋嗎?

    回覆刪除
    回覆
    1. 如果你不是業主, 就先刪除戶籍; 如果你是業主就較麻煩, 要向房署申請轉名俾屋企人, 之後先可以申請

      刪除
    2. 謝謝你的答覆! 我部門的宿舍組同事說可以先入紙申請 待房屋署叫我補辦刪籍手續才刪除戶籍。請問這個方法是否可行? 因為我怕房屋署會直接reject申請 會浪費一年時間 謝謝!

      刪除
    3. 你想得對,今年有好多申請人都話申請時要先刪除戶籍,所以我覺得搏唔過

      刪除
  17. CONTROL師兄新年快樂!
    我係紀律部隊,人工無三萬, 三年年資。
    若果我太太買白表居屋, 我之後再想拎綠表買多間居屋, 咁樣可唔可以呢?

    回覆刪除
    回覆
    1. 當然唔可以,房署有你太太於居屋業權的紀錄,唔好話居屋,就你太太係私樓業主,你已經唔可以申請

      刪除
  18. 你好!
    女朋友的家人已買左公屋, 間買左既公屋有女朋友個名但唔係業主,
    請問女朋友想除名, 係咪填除名表交房署就得? 一定要有新住址證明嗎? 感謝!

    回覆刪除
    回覆
    1. 無錯,交表刪除戶籍, 應該唔洗新住址的

      刪除
  19. 今年申請公屋要住址證明,舊年都唔駛,
    真係多舊魚,
    真係分到公屋再確認都未遲啦
    制度是改了嗎?

    回覆刪除
  20. 你好師兄,我同老公都係公務員,由於佢年資比較多,所以今年用左我老公名入紙申請2015/16年度公務員公共房屋配額,想買居屋免補地價

    我老公未婚前一直同父母住已購居屋,層樓冇佢名

    而我由出世起與父母居住公居,當時有我户籍,及後,我父母直接購買左呢間公屋,當時只寫左父母名!購買時,父母從沒有簽過仼何文件取去我户籍

    所以想問下
    1,當父母購買左公居時,只寫佢地名,係咪當從新起標,而我則自動除名除去户籍

    2, 如冇户籍除名,會否影響本年度抽籤結果,或佢會照抽到,抽中才叫你去除名

    3,我應該點做?即時去房署除名?除名手續要幾耐?係即時填妥除名表格就即時生效?

    Thanks

    回覆刪除
  21. 1. 要從戶籍除名, 不會自動, 但其實你地兩間都已買, 除名沒影響, 一定要做
    2. 過往係, 但今年好多人都話申請時已被通知要先除名, 執正來做的話, 可以話你唔符合申請條件
    3. 上房署網有教哂, 即做有著數

    回覆刪除
  22. p.s. 由於未能上車,我們預計將繼續分開居住至2017年初)

    回覆刪除
    回覆
    1. 你好!我是舊制公務員,計劃10月結婚,由於女友現與父親同住公屋,請問婚後需要立即通知房署申請除名嗎? 如女友結婚後不立即除名, 我能和她輪候公務員居屋/領取allowance媽?

      p.s. 另由於未能上車,我們預計將繼續分開居住至2017年初)

      刪除
    2. 如果要申請公務員配額,今年開始好多師兄都話要先除名,否則唔接受申請(過往可以有屋先除名)

      刪除
    3. 謝謝你的資料=)

      刪除
  23. 你好,我係新制公務員,
    而家同父母同住公屋,但租戶主要係爸爸名,(跟著我都係住戶有名)如果想避免資產審查,請問可唔可以將租戶轉成我?
    同埋上面講,申請時唔可以有5成以上業權,咁如果已經住緊公屋,但我想買多個單位放租又有無問題?

    回覆刪除
    回覆
    1. 第一條, 係要問房署得唔得, 但個人覺得唔會可以, 否則人人都可以用呢條橋

      你買多個單位,咁有資產審查家嘛,係咪?

      有D野, 唔好諗住賺到咁盡

      刪除
  24. 你好control228,
    本人和太太都是2000年後新入職公務員(mps,pt21或以下),本人在未成為公務員前曾申領房署的首次置業貸款計畫,其後把該單位賣出。之後跟同為新入職公務員太太結婚,但太太從未領取過任何公務員房屋福利,想請問太太會否跟我結婚後喪失了申請公屋或綠表資格?或者可以取什麼房屋福利?

    回覆刪除
    回覆
    1. 拎過「首置」不合資格申請公務員公共房屋計劃, 你可以試試申請酌請處理(看配額申請的附表II)

      如果酌情處理失敗, 你兩個只能各自在20年年資時申請非實報實銷津貼

      刪除
  25. 今年二十年年資,想申請單人公屋,機會大唔大?

    回覆刪除
    回覆
    1. 無乜機會, 因為得單位數配額

      刪除
  26. 你好,想問我同太太未結婚時各自同家人住公屋,結婚後買了私樓(物業寫太太名),現我係公務員,如申請公屋一定要各自家庭除名,但會否影響他們,另我太太名下物業如轉名給她媽媽,又會否影響現住緊公屋他們.謝謝

    回覆刪除
    回覆
    1. 除名:理論上會令佢地變寬敞戶,房署可以要求佢地搬細D,但可以搏佢執行得少

      私樓:夫婦任何一位有樓,就不可申請公屋;如果轉名俾屋企人,而屋企人係公屋居民,資產審查時一定超上限,最嚴重係要搬離公屋

      個人建議,唔好算得太盡,如踩太多界監都有得坐

      刪除
  27. control師兄,小弟配到公務員隊第一選擇洪福邨,尚未簽約,但由於單位向墳景,家人感到不安,打算唔要,是不是仲有兩次原邨再分配機會?和一般需時多久?再分配是隨機,或根本越配越差?

    回覆刪除
    回覆
    1. 原邨再分配?當然不是,人家已經給了你最高的意願,你不要,還想再有得揀?「三次機會」是指,你可以在再下一期再次申請。如果再拒絕多兩次,便再不能申請了

      刪除
  28. 師兄想問如果紀律部隊申請左宿舍或者用綠表買左居屋, 可否再另外再買私樓?

    回覆刪除
  29. control兄
    想問我用公務員quota攞左2至3人單位,如果有1個小朋友,我可以加我媽媽名申請調到4人單位嗎?我媽咪要唔要做資產審查?

    回覆刪除
    回覆
    1. 這已經不是公務員福利的問題了, 和一個普通公屋居民一樣,請向房屋署查詢

      刪除
  30. Control師兄, 我現在是位單身的公務員, 可否申請買綠表居屋呢?

    回覆刪除
    回覆
    1. 可以申請,因為公務員配額只計年資

      但要注意,買二手沒關係,但要買新居屋都要同市民攪珠,而攪珠規定單身人士排尾,可能買唔到

      刪除
  31. 我下個月入職公務員 但之前排左街外既單身公屋已經有5年 咁我係咪要取消之前既公屋申請 再以公務員身分後排公屋?

    回覆刪除
    回覆
    1. 我想最低級的公務員,薪金也會超出單身公屋的入息限額

      但公務員配額中,單身公屋的機會近乎零(每年只有幾間,年資超高才有)

      所以你的情況很兩難

      刪除
  32. 請問2015/16公務員公屋申請表為什麼要填寫年薪

    回覆刪除
  33. 師兄想問如果紀律部隊申請公屋或者用綠表買居屋, 我冇物業, 太太有物業, 我可以申請嗎?
    另外新出了CSR 5/216, 是咪不可以用來買私樓

    回覆刪除
    回覆
    1. 太太有物業不可以

      你意思新出了什麼?

      刪除
  34. 想請問2015/16公務員居屋配額幾時會收到通知,正常是否3-4月?謝謝

    回覆刪除
    回覆
    1. 正常係, 但依家申請人唔知幾多, 難講

      刪除
  35. Control 師兄你好! 我係四年service 紀律部隊。

    現與母親同住公屋(母親戶主)加一個妹(總共三人)

    將會與女友結婚,與我們同住(變成共四人)

    我母親可以申請調遷至四人單位嗎?

    會影響我之後攞宿舍嗎?我擔心當攞左一次房屋福利。

    感謝!

    回覆刪除
    回覆
    1. 普通公屋居民的申請不是房屋福利, 但如果你日後要拎宿舍, 就一定要刪除公屋戶籍, 到時係變兩人戶

      刪除
  36. 先夫當了二十二年公務員,曾經買過居屋,供左五年賣了,先夫生前是租住私人樓宇的,本人帶著兩位仍然求學的女兒,租金已用了本人收入的一半,頓感生活傍偟及無助,加上本人有工傷在身,請問本人可否有恩恤的機會用公務員家屬身份申請公務員公屋? 絕望的人 上

    回覆刪除
  37. 先夫當了二十二年公務員,曾經買過居屋,供左五年賣了,先夫生前是租住私人樓宇的,本人帶著兩位仍然求學的女兒,租金已用了本人收入的一半,頓感生活傍偟及無助,加上本人有工傷在身,請問本人可否有恩恤的機會用公務員家屬身份申請公務員公屋? 絕望的人 上

    回覆刪除
    回覆
    1. 抱歉現時政策上沒有的, 因為只有在職公務員過身, 而家人仍住在部門宿舍才可以

      刪除
  38. Control 師兄,本人新制紀律部隊 5年年資,上年申請 2015/2016 公務員公屋 ,請問大約幾時會有通知?
    若然不成功會有信件通知嗎?

    回覆刪除
    回覆
    1. 過往有師兄要等好耐先有消息

      刪除
  39. Hi, 你好~ 多多指教!
    我新制公務員,夠2年年資,現單身,公屋住戶,非戶主,計劃17年2月結婚。
    我要先除名再申請,對嗎?
    另外,我可今年2016/17 申請公務員公屋,2月補交結婚文件嗎?
    Thank you

    回覆刪除
    回覆
    1. 先除名是正式做法, 另外一定要結左婚先計數, 唔可以申請左先

      刪除
  40. 你好control228,
    我唔係好明排公務員公屋同公務員綠表嘅要求係咪一樣?
    都係唔可以有50%業權同埋max 唔可以過pt. 25?
    另外單身排公屋機會=0,但排綠表就ok?

    回覆刪除
    回覆
    1. 雖然同一個制度,但兩樣野有規定係唔同, 50%業權同max係一樣, 但公屋主打家庭, 單人好少quota

      綠表就唔限制, 除非你要同市民一齊抽新居屋, 咁單身又會好細機會

      刪除
  41. 請問2015/2016年度公屋配屋未呢,跟生日或退休日子編配!謝!

    回覆刪除
    回覆
    1. 對不起, 處理申請進度我幫不到你, 上香討問下會更好

      刪除
  42. 想問曾經白表買左居屋, 後來已補地價, 我可否申請紀律部隊宿舍?

    回覆刪除
    回覆
    1. 理論上居屋補左地價就唔係資助房屋, 可以申請宿舍, 但宿舍組一般會向房署查詢, 你不妨向房署問一問你自己的紀錄係咪已經唔係資助房屋業主

      刪除
  43. Control Sir, 本人是已入職19年的舊制紀律部隊人員, 尚有11年退休,於入職前與前配偶(非公務員)曾用白表購入居屋單位,其後因離婚而出售。現本人已再婚並居於部門宿舍,現配偶(非公務員)亦曾與其前配偶曾申請首次置業貸款計畫,同樣於離婚後出售單位。請問我現在還可否用公務員配額申請公屋,綠表居屋或HPS? 請問房署的酌情處理機制如何申請及查詢?就本人的個案能有成功申請的機會嗎?謝謝!

    回覆刪除
    回覆
    1. 曾任資助房屋業主寫明不能申請, 只可以靠申請配情處理, 很難說機會。但理論上, 如果成功購入綠表居屋, 應該可以再申請HPS

      刪除
  44. 本人5年年資公務員,男友7年年資警察,想明年結婚排公屋。知唔知住到公屋後,可否自置物業作投資用途?

    回覆刪除
    回覆
    1. 公屋不同宿舍, 宿舍不限, 但公屋只有十年免資產審查, 如果有私樓, 必定要走

      刪除
  45. 你好, 本人情況如下:
    1. 本人為公務員, 剛收到公務員配額綠表,準備今年內買二手居屋。
    2. 未婚妻為公屋戶主, 打算2017年尾結婚。
    想問如果本人婚前已買咗居屋, 會否影響未婚妻公屋資格?

    回覆刪除
    回覆
    1. 想問如果本人婚前已買咗居屋, 結婚後會否影響未婚妻公屋資格?

      刪除
    2. 呢個要問房署, 理論上不可以持有兩個資助房屋

      刪除
  46. 請問是否申請咗公務員綠表,就一定有候補信收?

    回覆刪除
    回覆
    1. 綠表都係睇年資, 未必一定有

      刪除
  47. 3個選擇唔要終身停賽咩?唔係停賽1年可再申請嗎?

    回覆刪除
    回覆
    1. 係三次拒絕編配, 今年有offer唔要, 停一年後再申請, 再唔要, 再停一年後再申請, 再唔要, 就無機會

      刪除
    2. 你好,咁會唔會同一年度派其中一個選擇後唔要,會再派同一個年度另一個選擇的?thx

      刪除
  48. 你好, 本人跟太太申請了二人公屋,最近收到房署派屋信,但因為太太懷孕了,會增加一名成員,已去信房署更改人數同拒絕較早前派到既單位,想請教,我呢個quota是否今年已經用左,要否要重新再輪候?
    假設今年預算左一定數量既公屋比公務員,而家我收到配房信,是否代表今個年度我都會有樓派?,但如果新年度申請開始時都未㨂到樓,是否就會取消資格,謝謝

    回覆刪除
    回覆
    1. 拒絕就是拒絕, 下年停賽, 後年再入紙

      刪除
  49. 你好,如果我入職公務員前已同老公聯名買左房協樓,現在怎樣才能申請公務員公屋??
    請師兄指教

    回覆刪除
    回覆
    1. 請參考文章上的案例。但注意, 你夫婦任何一人係業主都不能申請

      刪除
  50. 你好啊,我爸爸係97果時申請首次置業貸款買私樓,三年後才加入公務員,其時已還清借貸。層樓住到至今。

    現在佢想申請公屋,他能轉名給子女就能申請,還是仍然要和房署證明不涉及金錢下轉名?

    回覆刪除
    回覆
    1. 公務員公共房屋配額規定,曾任呢種業主不能申請,但向房署申請不涉及金錢下轉名似乎係綠表居屋先適用,如果係首置私樓,就要問下房署應該點樣做

      刪除
  51. Control兄,您好呀!

    - 我爸爸係公務員,之前買左間本身租緊既公屋
    - 我爸爸而家想將個業權轉比我(女兒),之後佢再排公務員條隊排間公屋
    - 我爸爸只係呢一間公屋既業主,冇其他樓宇買賣/房屋福利

    想問下可唔可行?

    回覆刪除
    回覆
    1. 向房署申請不涉及金錢下轉名,成功之後可行

      刪除
  52. 回覆
    1. 3年年資, 直接申請綠表的機會應該是有的, 可以一試

      刪除
  53. 我是紀律部隊員佐級人員。
    想問下結婚後申請綠表買居屋。
    如果日後賣掉居屋, 可否再申請宿舍嗎?

    回覆刪除
    回覆
    1. 新制用左公務員公共房屋配額就會喪失房屋福利資格, 不可以的

      刪除
  54. 你好,本人是新制公務員(3年合約),現在已2年,和丈夫租樓,可申請非實報實銷津貼嗎?預期明年買樓,可否先申請津貼?多久才批?

    回覆刪除
    回覆
    1. http://control228.blogspot.hk/2015/01/pt-33.html

      刪除
  55. 你好, 有關於公務員綠表資格想請教一下,
    如入職兩年後申請居屋條隊,
    如計劃於二手居屋市場以綠表價購入二手單位,
    是否必需中籤後才能獲取綠表資格?
    定係入紙成功申請已代表具備綠表資格買二手居屋?
    謝謝。

    回覆刪除
    回覆
    1. 因為有配額, 要成功申請先有綠表資格

      刪除
  56. 你好,第1想問一下無公屋都可以綠表買居樓?唔係好明白
    第2,係唔係3年後先有得排部門公屋?

    回覆刪除
    回覆
    1. 只要有2年年資(由第一日入職計)就可以申請公務員公共房屋計劃, 可以選公屋或者要綠表買居屋

      刪除
  57. 另外想問一下,可否排街隊公屋但另一方面再排部門隊公屋?

    回覆刪除
  58. 你好,請問會唔會同一年度派其中一個選擇後唔要,會再派同一個年度另一個選擇的?例如派左第一個選擇唔要,會否再派第二或第三個選擇卑我的?

    回覆刪除
  59. 請問如果未做公務員前已由申請了白表自置居所買樓,後來做了公務員已20年,已賣了樓,可否申請公屋。

    回覆刪除
    回覆
    1. 不可以, 因曾任居屋業主不合資格, 但可以試申請酌情

      刪除
  60. 如果我本身在排普通公屋隊,現在做了政府工,但普通公屋又有了,那會計算本人的人工超過上限嗎?

    回覆刪除
    回覆
    1. 市民隊當然會,只有公務員公共房屋配額先係計薪級點而唔係計家庭月入

      刪除
    2. 咁姐係公務員一定要排部門隊?因為街隊人工會超過上限

      刪除
    3. 對, 所以點解咁多人申請

      刪除
    4. 如果我本身在排普通公屋隊,現在做了政府工,但普通公屋又有了,那會計算本人的人工超過上限嗎?

      什麼叫做普通公屋又有了, 是指街隊獲得編配單位的意思嗎
      如是, 審查收入超額的話, 就會被取消是次編配的

      刪除
    5. 你是排市民隊, 當然要按市民的規定, 計家庭上限

      刪除
  61. 請問本身已經有公屋戶藉,洗唔洗先除名再申請?

    回覆刪除
    回覆
    1. 理論上要, 過往有D師兄話申請成功後先刪除, 睇你搏唔搏, 因為如果人地執正來做, 可以因為你有戶籍reject你申請, 你到時喊都無謂

      近年有好多人都表示申請時已經俾人叫刪戶籍, 嚴格左好多

      刪除
  62. 你好 如果我用自己個名買左本身租緊既公屋可唔可以申請宿舍
    另外想問 如同父母一起申請公屋(公務員條隊)計唔計父母入息
    唔該

    回覆刪除
    回覆
    1. 唔可以申請宿舍, 你亦唔可以申請多一間公屋

      刪除
  63. 你好~本人已任職3年,可合乎資格申請新居屋嗎?
    請問直接申請綠表買居屋都係每年10月接受申請?
    有限日期購買嗎?

    回覆刪除
    回覆
    1. 可以入紙, 睇對手年資, 你成功的話就一年內要買

      刪除
  64. 本人已做了四年,單身,是否要先拎張綠表就可買居屋?即宜家的綠置居都可買?問 hrm 拎 form ? 假如在地產公司見到寫住綠表價錢嗰啲樓都可買嗎?定只限買新居屋?
    謝謝回覆~

    回覆刪除
    回覆
    1. 成功申請到公務員綠表就可以買以上各樣

      刪除
    2. 謝謝回覆 (^.^ )

      刪除
  65. 你好..樓主..我想問我係新制公務員..請問點先申請公務員綠表?同表格會係邊度拎?
    另外想問如果想申請公務員公屋,又應該係同自己部份HR 講定係搵房署...唔該

    回覆刪除
    回覆
    1. 每年十月左右會有得申請, intranet都有download, 經部門交房署

      刪除
  66. 你好,請問
    1. 三年年資公務員,係咪就可以直接申請綠表買居屋?

    2. 申請綠表買居屋,要等幾耐? 要唔要排隊?

    3. 用綠表申請,只要係"未補地價居屋",係咪新同舊(二手)都買得?

    回覆刪除
    回覆
    1. 可以, 成唔成功就要睇對手年資, 成功申請就可以買二手或者抽新居屋

      刪除
  67. 你好, 請問係咪申請左公屋就唔可以再申請宿舍? 定還是係接受左公屋分配先唔可以申請宿舍

    回覆刪除
    回覆
    1. 新制只要成功申請, 一簽公屋租約就會喪失其他房屋福利資格

      刪除
  68. 你好,我是行將退休員助級紀律人員在新界和弟弟擁有一塊農地,請問可以申請公屋嗎?謝謝

    回覆刪除
  69. 你好,想請教下我老豆系居屋戶主,我系公務員,年資七年,我同仔仔系家庭成員,系咪要除名要在外面有租住地址先可以申請綠表?如成功申請綠表後購買居屋後當上業主,老豆百年歸老後果間居屋房署會收翻?還是我繼承同時擁有兩間居屋?

    回覆刪除
    回覆
    1. 1. 要除名但唔洗一定要報外面地址
      2. 到時繼承要問房署, 但其實由你仔仔繼承都或者可以呢

      刪除
  70. 你好!請問舊制紀律部隊,年資19,41歲,應該排一般配額還是特別配額呢? 謝謝!

    回覆刪除
    回覆
    1. 人事組話舊制40歲就可以排特別配額《因可50提前退休》,但個人仍想排一般配額,覺得較大優勢,對嗎? thx a lot!

      刪除
    2. 回覆時漏了考慮新舊長俸制及提早退休, 答錯了, sorry。如果你是最早退休年齡前十年(舊長俸制35歲、新長俸制40歲、新制45), 而居於宿舍, 已經跌入「特別配額」, 而跌入「特別配額」就唔可以選擇一般配額

      現時特別配額爭得好激烈, 通常要退休時先有

      刪除
  71. 你好,我先生是公務員,從沒公屋戶籍,亦沒有任何公共房屋資格.
    我則在婚前申請了單身首置,已清還房協全部欠款,間屋亦已賣出,目前夫婦並沒有任何物業.
    請問我先生仍有資格申請公屋嗎?

    回覆刪除
    回覆
    1. 根據附表二, 列明曾任呢類資助房屋業主都唔得, 你最多可以申請酌情, 睇下批唔批

      刪除
  72. 可唔可申請綠表後先刪除公屋戶籍?綠表申請成功要在一年內購買居屋?若在限期內都無心儀的居屋,那第二年是否要再申請過?請問公務員用綠表和白表申請居屋的分別在方面?

    回覆刪除
    回覆
    1. 1. 理論上不可,過往有人試過係差不多成功申請時先有通知去刪戶籍, 但去年申請時有好多網友表示被通知「唔刪戶籍無得申請」
      2. 一年內買, 買唔到要停賽一年, 之後再申請
      3. 一般白表有資產入息上限, 亦有好多市民爭; 公務員綠表係同同事以年資去爭, 只限薪級點不超Pt. 21及max不超25

      刪除
  73. 你好,
    想問下公務員本身有私人物業, 結婚後是否不可以申請宿舍?
    如不可以, 轉名比太太後, 可以申請宿舍嗎?

    回覆刪除
    回覆
    1. 紀律部隊宿舍是可以有私人物業的

      刪除
  74. 請問如獲得公務員綠表資格,已婚,綠表買既樓可以只落申請人既名嗎?自住係咪一直唔需要補地價?
    而配偶之後再買私人樓,有無咩影響?
    例如於2016/2017年度申請,通常綠表資格會幾時獲發?可購買期間是否為2017年?

    回覆刪除
  75. 1. 可以 2. 無影響 3. 多數2017年中, 之後計一年限期

    回覆刪除
  76. 你好, 我剛入職滿三年, 與家人同住公屋, (有名)
    如果要入表申請公屋, 是否要先除名方可入表?

    回覆刪除
    回覆
    1. 規定上係, 以前有人話臨尾先除名都得, 但上年好多人表示一開始已被叫除名先

      刪除
  77. 你好,我是新制警員有5年年資,想知道申請公屋後,係咪已經唔可以再申請宿舍?
    因我打算,如果幾年入紙公屋都唔成功,到夠年資就申宿舍。
    定係公屋簽左約,我先唔可以申請宿舍?
    如果我申請左公屋,一日咪攞到公屋,都仲可以申請宿舍?

    回覆刪除
    回覆
    1. 公屋簽左約就會喪失所有房屋福利, 你可以兩樣一齊申請, 申請就無衝突的

      刪除
  78. 你好,屋企人十幾年前排街隊拎左屋,個時唔識申請公務員隊,現公務員年資有27年,想問依傢可以申請排公務員隊拎新公屋嗎?如可以,可否拎左後先交回舊有單位?thanks...

    回覆刪除
    回覆
    1. 你屋企人已經係公屋戶主, 點可以再「變」一間新既出來?

      刪除
  79. 你好。 我擁有物業是工業大廈佔50%,請問,這樣是否影響申請公屋單位。

    回覆刪除
  80. 你好,我是公務員,從沒公屋戶籍.
    我剛結婚,太太不是公務員,但有公屋戶籍.
    1.請問我太太要不要刪除公屋戶籍?
    2.若沒有刪除公屋戶籍,會不會影響申請公務員公屋或綠表資格嗎?

    回覆刪除
    回覆
    1. 1. 規則上, 要
      2. 以前有同事係成功申請先至刪除, 但近年你入紙時已經要刪除, 唔刪除唔准申請

      刪除
  81. 你好,請問已申請公屋,等候派屋期間購買了物業,如獲派屋,可否出售物業取得公屋;或直接被取消資格尼?

    回覆刪除
    回覆
    1. 交申請表後, 至簽租約期間, 唔可以有超過50%住宅業權或簽訂買樓合約, 否則不合資格

      刪除
  82. Contrl 228 你好,

    小弟係新制紀律部隊約10年年資單身,請問
    1. 申請單人公屋係咪機會渺茫?
    2. 申請綠表購買居屋係咪最理想既選擇?
    3. 想了解申請綠表買居屋,請問居屋市場有咩選擇?是否每年都會唔同?

    謝謝

    回覆刪除
    回覆
    1. 1. yes
      2. 可以咁講
      3. 買二手隨時都得, 買新居屋就要同一般市民攪珠, 但家庭優先, 單身一樣無乜望

      刪除
    2. 感謝﹗

      即係如果申請到綠表居屋,就可以隨時買二手市場既任何單位?無分地區無分大細?謝謝

      刪除
  83. 你好

    本人99年入職紀律部隊,長俸制,單身,40歲,與父母同住居屋(户主為父母)

    請問本人想申請公屋/綠表是落入特別配額或是一般配額呢?

    謝謝!

    回覆刪除
    回覆
    1. 你不是住宿舍, 未到45歲, 是一般配額

      刪除
  84. Control 師兄你好, 如果本身排緊公屋, 之後入到政府, 年資能累算嗎? 還是公務員入職入息過了, 就要void左, 再2年試用期內年資重新申請?

    回覆刪除
    回覆
    1. 可以兩邊排, 但是兩條不同的隊, 按該條隊的規定去辦

      刪除
  85. 你好, 我是今年2月中新入職文職系, 3人家庭.

    1.想請問可以何時遞紙申請公屋?
    2.睇前文可以綠表購買居屋(不用補地價),係咪快過排大埔區翻新公屋?
    3.排公屋會否等好耐? 有冇可能四至六年就得?
    謝謝

    回覆刪除
    回覆
    1. 你2018年年尾才可以申請, 綠表一定快過公屋, 依家公屋要好高年資

      刪除
  86. 本人透過公務員隊取得公屋,本人生性節约,若資產超標,例如退休後,有畢退休金,是否影响居住公屋資格???

    回覆刪除
    回覆
    1. 設計上, 公務員配額不限資產, 年滿60的戶主房署亦不會再限資產了

      刪除
  87. Control 兄你好,小弟是新制60歲退休的紀律部隊,想問一下;如結婚 擁有兩年年資與母親和太太一起(他們沒有物業),三人申請公務員公屋,以你所知大概要排多久才獲派?如果獲派後住滿了十年,要再資產審嗎?

    回覆刪除
    回覆
    1. 要幾耐無得講, 唔知你揀乜類型, 多唔多人爭, 十年後都要審查

      刪除
  88. 本人4年前用公務員綠表買咗居屋,而家想賣咗申請住宿舍可以嗎?本人係新制公務員

    回覆刪除
    回覆
    1. 2000年6月後入職的話, 不可以, 你已喪失所有房屋福利

      刪除
  89. control 先生你好, 有一問題想問:

    公務員申請公屋和綠表居屋需要比較年資是明白的,
    但是否後者通常輪侯時間會比較快呢?
    最近幾年兩者的需時大約是多小呢

    謝謝回答

    回覆刪除
    回覆
    1. 呢D問題無得答呢, 尤其公屋, 選邊區已經好大分別

      刪除
  90. 你好Control 兄:
    想問問如果用公務員隊成功申請了公屋,有沒有限制要住滿多少時間才能將該公屋轉綠表用來購買居屋?
    謝謝

    回覆刪除