2015年12月18日 星期五

短訊兩則:2015-2016 公務員公共房配額/Pt. 33以下房屋津貼

各位,新一年度的2015-2016 公務員公共房配額的通函已出,大家可回辦公室上數碼政府合署查閱,截止日期為2015年1月6日。

樓價高,人人衝向公屋,年資要求急升可以理解。通函中有關2013/14年的申請,大部分成功者(總薪級表/其他薪級表)皆在15年以上,只有個別例子如東涌翻新單位(3年10個月)、怡明邨(3年9個月)較低,因鉛水事件延期的水泉澳邨則未有資料。

值得留意的,是怡明邨「偷雞」例子。早前有網友表示3年多年資成功搬入怡明邨,其他人還半信半疑。事實上,此例子可能可一不可再,因為原因明顯是人人以為位處高樓價地區、港鐵站旁的怡明邨「唔洗旨意成功」,嚇阻了低年資人員,從而流向翻新公屋,誰知原來人人也懷著此想法,翻新公屋再不容易,反而3年多年資的卻上新樓。

而2013/14年度申請居屋綠表的最低年資,係2年6個月,維持低水平,差不多合資格申請便有,始終不論一二手居屋樓價太高。

此外,Pt. 33以下房屋津貼(HPS和NCA)的合資格人士也派了編號,有興趣者可以到epay system查閱(詳情按此)。現時編號為E1至53883已可申請,截止日期為2016年2月4日前透過部門送抵庫務署,所以要申請便要快,因為部門送件到庫務署也要時間。

108 則留言:

  1. 現時最低服務年資大大話話都要十幾年, 年資少的真不知怎麼辦, 綠表樓價也貴,私樓更加買唔起, 灰爆.

    回覆刪除
    回覆
    1. 咁我又要調轉講, 就算十年八載前, 一樣要高年資, 綠表可能要十年以上, 新公屋一樣, 只係當年的社會氣氛唔同。其實唔灰, 最重要計好哂數, 知道自己有乜福利和負擔能力

      刪除
    2. 謝謝你! 得到一些心靈上的安慰!

      刪除
  2. 你好~本身同屋企人住公屋 (戶主係爸爸)
    想問下如果我申請公務員公屋想我+媽媽兩個人~係咪一定要佢地離左婚先得?

    回覆刪除
    回覆
    1. 你自己諗下, 如果得, 人人都阿爸一間公屋、阿媽一間公屋啦, 係咪?

      刪除
  3. 想請教一下,如果與前夫同為公務員,婚姻期間前夫以公務員配額申請咗公屋,咁離婚後妻子公屋除名,仲可唔可以經配額申請居屋?

    回覆刪除
    回覆
    1. 有可能要申請酌情, 因為離婚係考慮因素之一

      刪除
  4. 但呢個係前年數據 聽講上年綠表要7年年資 (有冇消息證實)???

    回覆刪除
  5. 想問下我係同我老婆都係新制公務員,結婚前我買左間居屋。咁我想我同佢有冇資格拎NCA? 拎完120期之後駛唔駛補返地價?thanks ?

    回覆刪除
    回覆
    1. 補充,居屋不是以公務員身分取得

      刪除
    2. 只要居屋不是以公務員身分取得,你兩個都可以拎NCA

      刪除
    3. Thanks control 大大, 我仲擔心緊要補埋地價先可以拎nca

      刪除
  6. 我入職前用市民身分申請到公屋, 我係戶主, 入職後結婚,用綠表買居屋,居屋轉比18歲以上仔女,無金錢利益,之後我用公務員身分申請公屋可以嗎?

    回覆刪除
    回覆
    1. 你要問下房署批唔批你咁轉名, 佢地有好多規定

      刪除
  7. 師兄,
    請問你,如持有2015-2016公務員綠表,可否申請明年的綠置居計劃?
    謝謝

    回覆刪除
    回覆
    1. 計劃未公布, 但一般來說應該可以

      刪除
  8. 本人單身(1997年入職),與父母同住公屋,戶主是父親,想申請2015-16年度公務員綠表:
    1)是否先要向房委會刪除戶籍,才可成功取得公務員綠表
    2)定是用公務員綠表成功購買2手居屋之後,才向房委會刪除戶籍呢?
    今天,本人遞交申請表時,人事部說,要我刪除戶籍先,房署才會批准發出公務員綠表

    回覆刪除
    回覆
    1. 據知今年係一定要先刪除才可申請, 是執正來做

      刪除
  9. 你好,想請問妻子是新制公務員,總薪級表是pt 22以下.丈夫是醫管局合約護士.丈夫正拿取房屋津貼.如果妻子希望排公屋或綠表居屋,會否雙重福利,丈夫是否要停取房津?如果只取nca就沒有雙重福利?謝謝解答

    回覆刪除
  10. 您好,我HPS編號是E03XXXX是否已過,今期是E1-53883,有些看不明白? 還有,若我真的過了號碼,我能否再填表申請呢? 謝謝指教!

    回覆刪除
    回覆
    1. E1-E53883, 你是E3xxxx, 咁係咪在範圍內呢? 係咪可以申請囉, 明未?

      刪除
  11. 樓主,請問本人想申請今期HPS,是否要申請前就要去房署删取公屋家庭成員的戶藉才可入紙申請HPS, THANKS 。

    回覆刪除
    回覆
    1. 呢樣我唔肯定, 因為HPS不同公屋配額, 係咪要先刪戶籍再申請真係要問問人事部

      刪除
  12. 你好,我是新制紀律部隊成員, 如成功申請煥然一居, 是否就喪失日後申請公務員綠表及紀律部隊宿舍的資格 ?? 謝謝

    回覆刪除
    回覆
    1. 煥然一居是新野,要視乎政府當唔當佢「資助房屋」,個人覺得市建局情況同房協類似, 綠表同宿舍應該唔得

      刪除
    2. 明白...謝謝你的解答

      刪除
  13. 你好,請問擁有居屋(未補地價)但不是巳公務員身分申請(是親戚送契),可以申請HPS嗎?謝謝

    回覆刪除
    回覆
    1. HPS, 你是舊制? HPS可以, 但一定要本身有按揭,居屋要翻按就多數要補地價呢

      如果是新制則不限

      刪除
    2. 明白,謝Control兄回覆!我是舊制的

      就我以上情況,如果我唔補地價或賣走居屋,而去買多一間私人樓,是否也不能用新樓按揭去申請HPS?

      刪除
    3. 可以, 但要注意條例上你係需要用此有hPS的新樓自住

      刪除
    4. 明白,再次謝謝!

      刪除
  14. 我是九六年一月中入職.這是否要2016年十月才有no,2017才可申請房津?

    回覆刪除
    回覆
    1. 對, 通常2016年尾可申請, 2017發放

      刪除
    2. 九月入職同十一月入職相差兩個月.但實際是一年啊?現時科技進步,計假都可自動化,若一到廿年就自動有號碼才對啊!有人因退休而取不足十年!

      刪除
    3. 由於一年只有一次申請機會,總會有一個截數日子, 按現時的情況, 截數日在31/7(申請號碼排名書),如果要改變,似乎是需要增加年內可申請的次數,但每一次的程序如果需時多於半年,就有點困難了

      刪除
  15. control 版主你好! 本人現時是公屋住戶,想申請單身公屋,是否必須先除名? 取得公屋後,日後所有其他房屋福利是否自動失去資格??多謝指教!!

    回覆刪除
    回覆
    1. 單身公屋, 公務員配額基本上唔洗預, 得十間八間。但如果係用市民身份申請, 就唔影響日後申請NCA

      刪除
  16. 你好,請問我和丈夫都是公務員, 如我以公務員身份申請公屋,填丈夫係家庭成員(張申請表填埋佢係公務員),丈夫仍有資格領取非實報實銷現金津貼嗎??

    公屋申請會因為我們倆都是公務員優先嗎?
    謝謝

    回覆刪除
    回覆
    1. 看這篇
      http://control228.blogspot.hk/2013/10/blog-post.html

      妳的情況不會有優先

      刪除
  17. Hi 你好,我是舊制,有以下問題
    1) 如果申請到HPS後是否之後可以申請?
    2) 庫務署通函第18/2015 入面有提到 "4) 公務員事務局通告第4/95號-根據自置居所資助計劃轉換較低價物業的選擇" <--- 這計劃是否已經不適用?

    回覆刪除
    回覆
    1. 1. 你指居屋? 舊制可以之後申請HPS
      2. HPS轉換去較低價物業,應該跟足規定係可以

      刪除
  18. 請問home finance 同 home purchase 有什麼分別?

    回覆刪除
    回覆
    1. 看這個吧
      http://www.csb.gov.hk/tc_chi/admin/benefits/761.html

      刪除
  19. 你好,我最近結左婚,我太太係醫管局護士,佢之前一路都有攞5%房屋津貼。結左婚後佢要填份表宣稱埋我既資料。我細個個陣係住公屋的,而間公屋之後用我媽咪既名買左,但未補地價。

    我想問問呢個情況(我相信間公屋o係我住既期間係有我既名的,但用阿媽名買左後我就無住了,起碼已10年以上),會唔會影響到佢繼續攞個個津貼?

    謝謝解答!!

    回覆刪除
    回覆
    1. 呢個係醫管局的規定, 唔係公務員規定, 抱歉我唔識答

      刪除
  20. 你好,我是新制紀律部隊成員。
    在未入紀律部隊前已是公屋的戶主,請問
    1.我仍有相關的房屋福利嗎?如宿舍、津貼
    2.日後轉買居屋或其他資助房屋,是以一般申請定公務員身分申請?

    回覆刪除
    回覆
    1. 是戶主, 除非能夠轉戶主, 否則應該不可以, 但理論上戶主不能轉, 否則人人可以一開二、二開四

      你可以換綠表居屋, 由於唔係由公務員身分所得, 所以照市民方法做就得, 仲可以合資格時申請NCA

      刪除
  21. 你好,請問最近一輪公務員申請公屋或居屋綠表,何時知道結果?謝謝!

    回覆刪除
    回覆
    1. 講唔定的, 特別係公屋申請, 可能有排等

      刪除
  22. 你好,本人已婚但於2015年離婚,我同前妻同時公務員,於2004/2005年度已共同申請公務員配額綠表拿每月按揭補助金每月$3800為期4年購入私人樓宇,現在層樓已歸前妻擁有,請問我還有冇資格再次申請公務員配額:如公屋,居屋,或年資滿20年可領取的HPS呢?

    回覆刪除
    回覆
    1. 離婚是申請公屋居屋配額酌情處理的原因, 可以的。如你之無申請過HPS, 應該亦可以申請

      刪除
    2. 因離咗婚關係,再次用公務員配額可酌情處理?
      HPS就未申請過

      刪除
    3. 另外想問前妻有物業亦可申請HPS

      刪除
    4. 若前妻出售物業後可否再次用公務員配額申請公屋居屋或HPS呢

      刪除
    5. 因離咗婚關係,再次用公務員公共房屋配額可酌情處理,但要睇返當年你地申請時係用邊個做申請人,酌情都只可以係令你地兩人其中一人申請多一次。沒可能各自再申請一次,變成合共申請三次的。

      由於你地係舊制,係可以再申請HPS的

      刪除
    6. 即係酌情就是但1人,HPS就2個都得

      刪除
  23. 你好,本人為舊制年資滿二十年的人;下年才申請HPS,本身物業尚有三年供完,可否當申請到HPS才去加額延長至十年呢?

    回覆刪除
  24. 你好,請問我老公紀律部隊28年,還有4年退休,是否現在要申請公屋,排市區機會多少,3人和4人單位有分別嗎,謝謝

    回覆刪除
    回覆
    1. 近年申請你所屬的「特別配額」人數太多, 好多時要等到退休先有, 只於邊樣易中, 好難講的, 因為係睇對手的

      刪除
  25. 你好,我是新制,居屋(未補地價)是由父親名轉名給我,有冇影響現在住緊宿舍,謝謝

    回覆刪除
    回覆
    1. 當然會, 未補地價居屋業主不能住宿舍, 這是雙重福利

      刪除
  26. 師兄,你好,
    本人舊制,pt 21.. ,年资23年,想申請公務員綠表,如果有得長期acting .. 有机会升,mps pt 22 to 27.

    1) 請問long term acting pt 22, 但升正後max pt 27,可否申請綠表?

    2) 我年资23年,hps and nca 对我没有分別吧?

    3) 父母是居屋業主,我只係住,請問是否一定要删名,才可申請。
    感激

    回覆刪除
    回覆
    1. 1. 升正後不可以
      2. 你不可以申請NCA, 只可以申請HPS
      3. 是, 要刪戶籍

      刪除
  27. 補充,
    師兄,我是拍未save 足夠金錢買綠表居屋,升左後有pt 22..max pt 27..舊制,只可申請hps,
    冇左綠表+ hps,
    甘米唔升仲好!!
    many tks.

    回覆刪除
    回覆
    1. 呢樣野係有取捨, 係政府concept內,高級就房津、低級就資助房屋

      刪除
  28. 師兄你好,
    我家人是舊制海關關員,MPS22,宿舍住4人,下年退休。
    己爬文,但聽聞假如特別配額不中(很大機會),可以以最後一次機會"換"綠表。
    1. 想問白表換綠表是否一定得? 最好今年等埋公屋結果先考慮?
    2. 公務員持綠表買二手居屋是否能申請屋津/其他資助?
    3. 是否當家人退休三個月內一定要遷走 ?

    感謝解答 !

    回覆刪除
    回覆
    1. 應該是"GDS(R) Pt.22"?

      1. 到退休一般都機會好大, 如有綠表可以即買二手居屋
      2. 本來有, 但佢都退休, 申請得來都無時間拎
      3. 不是, 一般可以話申請緊公屋/居屋可以留兩年, 但交市值租金

      刪除
  29. 想問下如果收到HPS既approval in principle係咪即係一定會申請到呢?如果今年係pt17即係下年都係比返pt17既allowance,定係會比pt18呢!謝謝

    回覆刪除
    回覆
    1. 有approval in principle就應該得(除非你有野犯規)

      下年會俾pt. 18的津貼額, 但係按你申請年份的津貼表, 2017加減唔關你事

      刪除
  30. 你好,本人1998年入職政府,正打算領取房津。入職政府前已擁有一居屋單位,該單位是母親的居所。請問我是否可該單位的全部業權送贈給母親,才可申領房津?另,向房署申請轉讓業權是否無須繳付補價? 是否須在申領房津前轉名?謝謝!

    回覆刪除
    回覆
    1. HPS要是公務員本身名下的。由於HPS一定要係用來供樓,所以一定要有按揭,如果居屋要翻按,房署一般要你補地價

      刪除
  31. 你好, 我有兩個問題想問下:
    1. 本人現正居於居屋(業主是爸媽,而我在居屋有戶藉) 想問下會唔會令我喪失申請公務員綠表既資格?

    2. 我同未婚夫都係新制公務員, 如果我成功獲得公務員綠表資格,婚後我先生係咪仍然可以領取nca? 而我就無因已拎左綠表?

    好多謝你既資訊。

    回覆刪除
    回覆
    1. 1. 不是業主就可以申請, 申請前刪除戶籍就得
      2. 咁就睇你係邊種情況, 見另文:

      http://control228.blogspot.hk/2013/10/blog-post.html

      刪除
  32. 你好!我是96年8月入職政府,於02年申請了單身首次置業貸款買樓,3年後將物業出售及償還貸款。於今年8月滿20年入職,ptl6。請問可否申請HPS津貼?

    回覆刪除
    回覆
    1. HPS可以供首置買入的樓, 應該可以

      刪除
  33. 師兄你好,本人現在做緊公務員,但份工壓力好大,好想辭職.請問辭左職以後會唔會好難再考返入政府

    回覆刪除
    回覆
    1. 辭職再入, 我見過, 但要諗定人地問你時, 你點答

      刪除
  34. 師兄你好,想問下新丁排綠表你估何時才有機會?

    回覆刪除
    回覆
    1. http://control228.blogspot.hk/2015/12/control228.html

      刪除
  35. 想請問一下, 新入職公務員由CA(未confirm)轉做ACO, 是否2個職位加埋做滿2年就可以申請公屋? 還是要重新計算,ACO職位做滿2年才可申請?謝謝!

    回覆刪除
    回覆
    1. 計的是政府年資,由CA入職開始計

      刪除
  36. 你好~ 我是新制入職了六年幾ACO, 前年開始同老婆申請2人單位, 舊年十月有個申請編號, 請問係咪即係個公屋輪候NUMBER? 如果唔係, 請問邊度可以CHECK到?
    另外我本身住緊公屋, 間公屋係我爸個名, 我係住戶, 咁其實而家係咪要除名先? 定可以有屋派先除名? 謝謝。

    回覆刪除
    回覆
    1. 按規定其實係要除名先, 申請編號無乜意義, 得唔得都無咁快知, 可能等足一年甚至以上

      刪除
  37. 請問未做公務員時,已申請了白表買樓,後來做了公務員有20年,但現在已賣了樓,可否申請公屋?

    回覆刪除
    回覆
    1. 規定上不可, 如今你只可申請酌情

      刪除
  38. 你好,我係單身,公務員年資6年,想宜家申請綠表買居屋,之後同做紀律部隊的男友結婚,預計男友5,6年後夠資格申請宿舍,打算到時補返地價,住宿舍

    請問可行嗎

    回覆刪除
    回覆
    1. 未必得, 理論上補左地價就係私樓, 但你係以綠表買, 房署有戶籍, 到時補左地價會點處理都要問署先

      刪除
  39. 師兄您好,本人紀律部隊5年人,已婚想申請綠表買居屋
    如果申請成功,而一年內又揀唔到樓係咪無得申請extend,要重新申請?
    謝謝

    回覆刪除
    回覆
    1. 一年內揀唔到樓就要再申請, 酌情extend都唔會太耐

      刪除
  40. 你好, 我係新制紀律部隊
    本身住公屋,非屋主 但是住戶
    宜家申請綠置居, 會否影響將來申請公務員公屋/居屋

    回覆刪除
    回覆
    1. 如果係綠置居業主, 就一定不可申請公務員公共房屋

      刪除
  41. 你好, 本人是現職公務員, 已婚,有三年年資想申請 16/17年綠表, 但有幾個問題想請教;
    1) 請問如果太太本身是公屋住客(不是戶主),是否要先除名才可以申請綠表?
    2) 是否12月會出MEMO 通知綠表申請?
    3) 由申請到出結果一般需時多久??

    謝謝!!

    回覆刪除
    回覆
    1. 1,2都是Yes, 一般要幾個月先知, 但三年年資個人覺得無乜機會

      刪除
  42. 剛有個NO. 係F050XXX, F字頭同E有乜分別?

    回覆刪除
  43. 男朋友(紀律部隊)同家姐聯名買左間公屋(無用政府貸款),仍然可以申請宿舍/公屋/綠表居屋嗎?謝謝!

    回覆刪除
    回覆
    1. 公屋是入職前2年買

      刪除
    2. 如果是未補地價的公屋, 全部都唔可以

      刪除
    3. 可以申請不涉及金錢下轉名給家姐, 然後再申請嗎?

      刪除
    4. 咁就可以, 但要房署批先得

      刪除
    5. 如果成功除名,須要過冷河後才可以申請宿舍/公屋/綠表居屋嗎?謝謝!

      刪除
    6. 公屋居屋就24個月過冷河期, 宿舍不限

      刪除