2015年12月23日 星期三

一人一句撻著Control228


小弟設立此網只是想幫助一下同事或者考生,有問題盡量答,但遇上觸及個人底線的問題有時也會按捺不住發火。

1. 「XX工係點考的?」

我不是補習天王,亦不是神仙,每份工怎樣考,應是自己作資料搜集,政府如此多職位,我所知有限。

反而,如果手執兩個offer而不知怎算,我非常樂意給意見。

2. 「考官問XX我應該點答?」

這種問題較上面的好,但處境題就是考反應和思考,不是考背誦。要問此類問題,請先提供自己的答案。如果大家有留心,即使是消防隊目(控制)一職,我也不會提供如Q&A形式的問與答。

3. 「我xx年年資,申請公屋/居屋綠表可以成功嗎?」

公務員公共房屋配額的玩法,是跟每年的申請者比拼年資,過往的「最低年資成功申請」亦只能作參考,我沒有水晶球,不會知道下一期申請者的喜好。

當然,如果在選擇上有難題,例如該選公屋、居屋或是房津,我樂於幫忙。

4. 「我/我家人有xxx案底/紀錄,可以過到xx審查嗎?」「我有xx病,可以過到驗身嗎?」

我在有關審查和驗身的文章中也有提過,每個職位對審查和驗身尺度不一,除非犯事或者病情非常嚴重,否則很難說有某一件事會使你過不到關。

5. 「我剛報了名考xxx,請問審查內容如何?」

問沒有錯,但也要適當時候吧?試過有人連筆試也未考,便問我審查要查多少張銀行statement!?

6. 「網主你現在做乜架?」

希望大家不要問,工作關係,起我底只會令到此網從此「摺埋」。




15 則留言:

  1. I totally agree and support your comments on those..... guys.

    回覆刪除
  2. 十卜 Control 228, 令不少人受惠, 迷茫時得到指示, 唔好就咁「摺埋」呀!

    回覆刪除
  3. 請問政府內部職位的waiting年期一般多長?
    謝!

    回覆刪除
    回覆
    1. 一般waiting都係一年, 如果有需要佢會通知你extend

      刪除
  4. CONTROL 師兄知唔知道公務員(包括紀律部隊)可唔可以擁有自己的公司(因為屋企關係)? 當然業務同現職無關

    回覆刪除
    回覆
    1. 無話唔得, 但如果你有份做, 照正式就要報囉

      刪除
  5. 師兄有冇做過force同csd?? pc同ao2都俾左offer我 唔知點揀好 利申女仔 唔多挨得又怕悶

    回覆刪除
    回覆
    1. 無做過, 但身邊有人做。唔多挨得點解要做紀律部隊呢??

      回主題, 返工地點一般係警察較好,時間亦都係, 懲教返工遠、可能追更無得回家, 但工作較警察單一, 無咁複雜, 當然你亦可以話較悶

      問我, 如果計工作「好做」, 懲教單一D, 但計學到野去考其他工作, 或者無咁悶的話, 當然是警察, 睇你要D乜

      刪除
  6. 30歲,海關關員與消防員?福利消防會比較好嗎?始於消防編制大一些!
    做消防比較擔心四十歲後的體力,海關又好似多位走d,師兄點睇?

    回覆刪除
    回覆
    1. 福利差不多, 不如諗工作, 工作時間和地點, 最重要係興趣, 你鐘意救火救人定捉賊先?

      刪除
  7. 228師兄,請問如果本身是公務員,考其他部門公務員例如紀律部隊會唔會因為有公務員經驗而容易d考到。

    回覆刪除
    回覆
    1. 無一定, 有時因為咁反而問深D

      刪除

注意:只有此網誌的成員可以留言。